«ХАТИ ҲАЁТ». Таҳти чунин унвон дар Осорхонаи миллии Тоҷикистон намоиш ифтитоҳ ёфт

Январь 5, 2023 10:29

ДУШАНБЕ, 05.01.2022 /АМИТ «Ховар»/. 4 январ дар Осорхонаи миллии Тоҷикистон бахшида ба 90-солагии Ходими хизматнишондодаи санъати Тоҷикистон, Рассоми халқии Тоҷикистон, лоиҳакаши аввалин парчами давлатӣ Зуҳур Ҳабибуллоев таҳти унвони «Хати ҳаёт» намоиш ифтитоҳ гардид, ки то 1 феврал идома меёбад. Дар ин бора ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷазода иттилоъ дод.

Дар намоиш 25 адад мусаввараҳои рассом аз фонди Осорхонаи миллии Тоҷикистон, аз қабили «Модар», «Ба чарогоҳи баҳорӣ», «Нидои табиат», «Ҷамъоварии пахта», «Дар заводи арзиз», «Натурморт», «Дӯстони ман аз Қабодиён» ва инчунин офаридаҳои шогирдони рассом Баҳром Исматов «Оҳанги шарқ», «Нони гарми танӯрӣ», Эраҷ Олимов «Хоҳарон», «Нурҳои тиллоӣ», Беҳрӯз Забиров «Тобистон», «Бозори кӯҳна», Рӯзибоев Р. «Бузкашӣ», «Фаровонӣ» ва дигар мусаввараҳо, ки фарогири мавзуъҳои гуногун мебошанд, пешниҳоди тамошобинон гардонида шудаанд.

Зимни ифтитоҳи намоиш Директори Осорхонаи миллии Тоҷикистон Зафаршо Иброҳимзода, Директори Коллеҷи ҷумҳуриявии рассомии ба номи М. Олимов Сироҷиддин Ҷурахонзода, Раиси Иттифоқи рассомони Тоҷикистон Наргис Ҳамидова ва ҳаводорони ҳунари рассомӣ сухан гуфтанд.


Рассом Зуҳур Ҳабибуллоев соли 1932 дар шаҳри Душанбе таваллуд шуда, хатмкардаи Омӯзишгоҳи italy-med.com Душанбе ва Омӯзишгоҳи рассомии ба номи В. И. Мухини шаҳри Ленинград мебошад. Ӯ бо офариниши асарҳои пурмазмуни худ, ки фарогири зебоӣ, шукӯҳу шаҳомат ва аслияти таърихӣ мебошанд, ба наслҳои оянда мероси пурарзиши санъати тасвирии тоҷикро боқӣ гузоштааст.

Мавриди зикр аст, ки муҳаққиқони соҳа Зуҳур Ҳабибуллоевро яке аз аввалинҳое медонанд, ки аз чорчӯбаи муқаррарнамудаи санъати шӯравӣ берун рафта, санъати тасвирии тоҷикро бо забони дигар, ранги нав ва ҷилои тоза ба тамошобинон пешкаш намудааст. Ба қавли онҳо, бори аввал маҳз бо қалами Зуҳур Ҳабибуллоев санъати тасвирии тоҷик «ба сухан» даромад.

АКС: Осорхонаи миллии Тоҷикистон

Январь 5, 2023 10:29

Хабарҳои дигари ин бахш

Муҳаммадҷон Қосимов — ҳунарманде, ки нақшҳои офаридааш дар дилу ёдҳо нақш бастааст
Озмуни ҷумҳуриявии «Беҳтарин тасвир» байни наврасон гузаронида мешавад
Дар Душанбе маросими ҷоизасупорӣ ба кормандони телевизион, радио ва соҳаи алоқа баргузор гардид
Дар Намоишгоҳи байналмилалии «Китоби Теҳрон» 400 номгӯй китобҳои тозанашр аз Тоҷикистон пешниҳод шуданд
Китоби «Театр дар назди микрофон» ба нашр расид
Телевизионҳои Тоҷикистон дар ҳифзи фазои расонаӣ мавқеи устувор доранд
ЭЪЛОНИ ОЗМУНИ АКСҲО. «Рамзи дӯстии Чин ва Тоҷикистон- бинои Ҳукумат ва бинои Парлумони Тоҷикистон»
Фестивали байналмилалии театрҳои касбӣ «Наврӯз» ҷамъбаст гардид
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Дар Тоҷикистон барномаи рушди соҳаи алоқа таҳия карда мешавад
«ХОТИРА АЗ ҲОФИЗ». Ин намоиши байналмилалӣ ба 700-солагии Ҳофизи Шерозӣ бахшида шудааст
Фестивали байналмилалии театрҳои касбӣ «Наврӯз» ҷамъбаст карда мешавад
Дар Осорхонаи миллии Тоҷикистон намоиши асарҳои рассом ва муҷассамасози олмонӣ Гюнтер Уэкер баргузор мегардад