Маблағи моҳона барои нигоҳубини кӯдакон дар муассисаҳои томактабии давлатии шаҳри Душанбе 136 сомонӣ муқаррар карда шуд
ДУШАНБЕ, 11.01.2023. /АМИТ «Ховар»/. Аз 1 январи соли 2023 маблағи моҳона барои нигоҳубини кӯдакон дар муассисаҳои томактабии давлатии шаҳри Душанбе 136 сомонӣ муқаррар гардидааст, ки қаблан он 128 сомониро ташкил медод. Дар ин бора ба АМИТ «Ховар» сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.
Тибқи банди 1-и Қарори Ҳукумати Ҷумҳурии Тоҷикистон аз 31 марти соли 2016 «Дар бораи пардохти маблағ барои нигоҳубини кӯдакон дар муассисаҳои давлатии таълимии томактабӣ» ҷиҳати нигоҳубини кӯдакон дар муассисаҳои таълимии томактабии шаҳри Душанбе 2 нишондиҳанда барои ҳисобҳо ва тибқи талаботи моддаи 23-и Қонуни Ҷумҳурии Тоҷикистон «Дар бораи буҷети давлатии Ҷумҳурии Тоҷикистон барои соли 2023» аз 7 декабри соли 2022 андозаи нишондиҳанда барои ҳисобҳо ҷиҳати ҳисобкунии андоз, боҷ ва дигар пардохтҳои ҳатмӣ аз 1 январи соли 2023 дар ҳаҷми 68 (шасту ҳашт) нишондиҳанда сомонӣ муқаррар гардидаст.
Гуфта мешавад, ки пардохти маблағ аз ҷониби волидайн тавассути БДА «Амонатбонк» супорида шуда, расиди он ба муассисаи таълимӣ дастрас карда мешавад.
Дар робита ба ин Сарраёсати маорифи шаҳри Душанбе аз сокинони пойтахт даъват ба амал меорад, ки дар ҳолати аз ҷониби масъулони муассисаҳои томактабии пойтахт зиёд талаб намудани маблағ метавонанд арзу шикоятҳои худро тариқи телефони боварии Сарраёсати маорифи шаҳри Душанбе 2 21 30 92, ва вотсапи +992 002 20 40 40 ва ё почтаи элктронии dushanbe@mtu.tj пешниҳод намоянд.
Ба иттилои Вазорати маориф ва илми Ҷумҳурии Тоҷикистон, ҳоло дар ҷумҳурӣ 718 муассисаи томактабӣ, аз ҷумла 285 муассиса дар Суғд, 165 дар Хатлон, 157 дар Душанбе, 85 дар НТҶ ва 26 муассиса дар ВМКБ фаъолият менамоянд.
Зарангези ЛАТИФ,
АМИТ «Ховар»
АКС: АМИТ «Ховар»
1 июл даври асосии Имтиҳонҳои марказонидаи дохилшавӣ оғоз мегардад
Барои иштирок дар даври асосии Имтиҳонҳои марказонидаи дохилшавӣ беш аз 112 ҳазор нафар довталаб номнавис карда шуд
Аҳлиддин Ибодуллозода: «Тарбияи насли нави ваҳдатофару ваҳдатсаро аз омӯзгорон – меъморони руҳи инсон вобаста аст»
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
