Мошинҳои боркаши Тоҷикистон пас аз се соли хуруҷи пандемия вориди Чин шуданд
ДУШАНБЕ, 31.01.2023. /АМИТ «Ховар»/. Мошинҳои боркаши Тоҷикистон пас аз се соли хуруҷи пандемия вориди Чин шуданд, хабар медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
«Пас аз се соли таваққуф дар робита ба паҳншавии бемории ҳамагири коронавирус бори нахуст мошинҳои боркаши ватанӣ вориди ҳудуди Ҷумҳурии Мардумии Чин шуданд», — омадааст дар иттилоияи вазорат.
Бояд тазаккур дод, ки аз соли 2020 инҷониб мошинҳои боркаши Тоҷикистон бинобар хуруҷи пандемияи коронавирус иҷозати ворид шудан ба ҳудуди давлати ҳамсояро надоштанд ва бор бо нақлиёти боркаши Чин то сарҳад оварда шуда, аз он ҷо ба мошинҳои боркаши ватанӣ ба Тоҷикистон интиқол мегардид, ки барои ин вақту маблағи бештар сарф мешуд.
Тавре қаблан хабар додем, аз 8 январи соли равон Чин маҳдудияти асосии вурудро, ки дар чаҳорчӯби мубориза бо коронавирус ҷорӣ шуда буд, бекор кард.
Дар Раёсати иттилоот ва матбуоти Вазорати корҳои хориҷии Ҷумҳурии Тоҷикистон ба АМИТ «Ховар» иттилоъ доданд, ки шаҳрвандони Тоҷикистон мисли пештара қабл аз сафар ба Чин бояд тибқи талабот раводид гиранд ва инчунин метавонанд дар Сарраёсати консулии Вазорати корҳои хориҷӣ бораи иҷозаи вуруд ба Ҷумҳурии Мардумии Чин дар шиносномаи худ мӯҳр гузоранд.
Аз шаҳрвандони хориҷӣ ҳоло ҳам санҷиши COVID-19, ки 48 соат пеш аз сафар гирифта мешавад, аз ҷониби мақомоти Чин талаб мегардад, аммо онҳо дигар ҳангоми вуруд ба ин давлат ба карантин фаро гирифта намешаванд.
АКС аз бойгонӣ
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
