ГРАНД СЛАМИ ТОШКАНД. Дастаи мунтахаби Тоҷикистон оид ба ҷудо барои иштирок дар он омадагӣ мебинад

ДУШАНБЕ, 24.02.2023 /АМИТ «Ховар»/. 22 феврал раиси Федератсияи ҷудои Тоҷикистон Исмоил Маҳмадзоир бо ҷараёни машқу тамрини дастаи мунтахаби Тоҷикистон шинос шуд. Дар ин хусус ба АМИТ «Ховар» дар Федератсияи ҷудои Тоҷикистон хабар доданд.

Ҷамъомади машқию таълимии дастаи мунтахаби Тоҷикистон аз 16 феврал оғоз гардида, то 26 феврал идома меёбад. Машқҳои дастҷамъона омодашавӣ ба Гранд Слами Тошканданд, ки 3-5 март баргузор мегардад.

Ҷудочиёни тоҷикро мутахассиси ҷопонӣ Тамура Тору ба мусобиқаи мазкур омода мекунад.

Бояд тазаккур бод, ки чанде қабл дастаи мунтахаби ҷудои Тоҷикистон ва клуби варзишии «Мори»-и шаҳри Иркутски Федератсияи Русия дар бошгоҳи варзишии ҷудои «Ҳоҷӣ Шариф» марҳилаи аввали машқҳои дастҷамъонаро анҷом доданд.

АКС: Федератсияи ҷудои Тоҷикистон