Бар асари борону барфи зиёд роҳҳои мошингарди ноҳияи Шуғнон муваққатан баста шуданд
ДУШАНБЕ, 16.02.2023 /АМИТ«Ховар»/. Бинобар сабаби бориши зиёди барфу борон ва фаромадани зиёда аз 50 адад тармаҳо роҳҳои мошингарди ҳудуди ноҳияи Шуғнон муваққатан баста шудаанд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳия хабар медиҳад.
Ба иттилои манбаъ, 15 феврал дар мавзеъҳои Ёмҷ, Сохчарв, Зевардашти Ҷамоати деҳоти М.Ширинҷонов, Бидурд, Манем, Барсеми Ҷамоати деҳоти Сучон, деҳаҳои Гожак ва Барчадеви Ҷамоати деҳоти Ғ.Шаҳбозов, деҳаи Вабисти Ҷамоати деҳоти Навобод ва дар Ҷамоати деҳоти Ванқалъа, инчунин ағбаи Куҳтезак бинобар сабаби ба амал омадани барфу борони зиёд ва фаромадани тармаҳо роҳҳои мошингарди ҳудуди ноҳияи Шуғнон муваққатан баста шуданд.
Бояд гуфт, ки айни ҳол дар мавзеъҳои номбурда 12 техникаи муассисаҳои давлатии нигоҳдории роҳҳои мошингарди ноҳияи Шуғнон ба тозакунии роҳҳо аз барф машғуланд. Масъулин талош доранд, ки то 17 феврал роҳҳои мошингардро аз тарма тоза карда, ҳаракати нақлиётро дар роҳҳои ҳудуди ноҳия таъмин намоянд.
Дар айни ҳол роҳҳои мошингард дар ҷамоатҳои деҳоти М.Ширинҷонов ва Поршинев аз тарма тоза карда шуда, дар ҷамоатҳои деҳоти Сучон, Ғ.Шаҳбозов, Навобод ва Ванқалъа корҳои бартарафсозии оқибати офати табиӣ идома доранд.
Аз тамоми ронандагони нақлиёти мусофирбар ва хусусӣ, инчунин сокинон хоҳиш карда мешавад, ки дар ин давра бе зарурат ба сафар набароянд.
АКС: Мақомоти иҷроияи ҳокимияти давлатии ноҳияи Шуғнон
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
Бахшида ба 31-солагии Ҳизби Халқии Демократии Тоҷикистон дар Душанбе ҳамоиши тантанавӣ доир шуд
ЭҲТИЁТ — НИМИ ҲАЁТ! Ҳангоми гарм кардани хонаҳо бо ангишт қоидаҳои истифодаи онро риоя намоед
РӮЗИ БАЙНАЛМИЛАЛИИ ҲУҚУҚИ ИНСОН. Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ба ҳимояи ҳуқуқ ва озодиҳо равона шудааст
Форум оид ба натиҷаҳо ва устувории «Барномаи рушди тандурустӣ барои солҳои 2021-2025» доир карда шуд
Ба ифтихори Рӯзи таъсиси Ҳизби Халқии Демократии Тоҷикистон дар Рашт ҳамоиши тантанавӣ баргузор шуд
ҲИЗБИ ХАЛҚИИ ДЕМОКРАТИИ ТОҶИКИСТОН — АМАЛИСОЗАНДАИ ОРМОНҲОИ ХАЛҚ. Аз таъсиси он 31 сол сипарӣ гардид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
Дар Шаҳринав дар мавзуи ваҳдату ҳамгироӣ ва дӯстии халқу миллатҳо вохӯрӣ доир шуд
