Дар Душанбе оид ба масъалаҳои об, тағйирёбии иқлим ва ҳифзи пиряхҳо конференсия доир карда шуд
ДУШАНБЕ, 23.02.2023 /АМИТ «Ховар»/. «Ташаббусҳои глобалии Тоҷикистон оид ба масъалаҳои об, тағйирёбии иқлим ва ҳифзи пиряхҳо» — таҳти чунин унвон 20 феврал дар Академияи миллии илмҳои Тоҷикистон бо ибтикори Ҳизби Халқии Демократии Тоҷикистон ва Академияи миллии илмҳои Тоҷикистон конференсияи илмӣ-назариявӣ доир карда шуд. Дар ин хусус АМИТ «Ховар» бо истинод ба Муассисаи давлатии илмии «Маркази омӯзиши пиряхҳои Академияи миллии илмҳо» хабар медиҳад.
Дар ҳамоиш доир ба ташаббусҳои беназири Президенти Ҷумҳурии Тоҷикистон муҳтарам Эмомалӣ Раҳмон дар самти масъалаҳои об, тағйирёбии иқлим ва ҳифзи пиряхҳо ибрози андеша карда шуд.
Гуфта шуд, ки Ҷумҳурии Тоҷикистон ва Пешвои миллат имрӯз дар сатҳи байналмилалӣ ҳамчун ҷумҳурӣ ва Роҳбари ташаббускор оид ба масъалаҳои ҷаҳонӣ вобаста ба масъалаҳои об ва ҳифзи захираҳои об эътироф гардидаанд, ки ин мояи ифтихор ва сарбаландии тоҷикистониён мебошад. Қабул ва дастгирии ташаббуси панҷуми Пешвои миллат оид ба эълон намудани соли 2025 Соли байналмилалии ҳифзи пиряхҳо аз ҷониби 154 давлати узви Созмони Милали Муттаҳид ҳамчун иқдоми беназир ва нодир арзёбӣ мегардад.
Дар ҳамоиш оид ба пешгирии норасоии оби ошомиданӣ ва самаранок истифода бурдани захираҳои об ибрози назар карда шуд.
Дар маърӯзаи Директори Маркази омӯзиши пиряхҳо дар мавзӯи «Тоҷикистон-пешоҳанги масоили ҳифзи пиряхҳо дар ҷаҳон» гуфта шуд, ки таъсиси маркази мазкур марҳила ва раванди нави ба роҳ мондани омӯзиши пиряхҳои Тоҷикистон буда, имкон фароҳам овард, ки илми пиряхшиносӣ дар ҷумҳурӣ густариш ёбад ва таҳқиқи пиряхҳои хурду бузург бо усулҳои инноватсионӣ ба роҳ монда шавад. Ба ин васила коҳиш ва сатҳи аз байн рафтани пиряхҳо муайян гардида, натиҷаҳои назаррас ва маълумоти илман асоснок ба даст оварда шуданд.
Маркази омӯзиши пиряхҳо барои дар сатҳи баланд гузаронидани Соли байналмилалии ҳифзи пиряхҳо пайваста тадбирҳои зарурӣ роҳандозӣ намуда, ба нақша гирифтааст, ки оид ба он барномаи илмӣ таҳия намояд.
АКС: Маркази омӯзиши пиряхҳои Академияи миллии илмҳо
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
