Дар хоҷагии ҷангали «Шӯрообод»-и ноҳияи Шамсиддини Шоҳин ниҳолхонаи нав ташкил карда шуд
Ш.ШОҲИН, 07.02.2023 /АМИТ «Ховар»/. Дар Хоҷагии ҷангали «Шӯрообод»-и ноҳияи Шамсиддини Шоҳин бо дастгирии Агентии хоҷагии ҷангали назди Ҳукумати Ҷумҳурии Тоҷикистон ва шарикони рушд дар майдони як гектар ниҳолхонаи нав ташкил карда шуд. Бунёди ниҳолхона дар доираи нақшаи чорабиниҳо оид ба амалигардонии «Барномаи рушди соҳаи ҷангал барои солҳои 2022-2026» амалӣ гардид, хабар медиҳад мухбири минтақавии АМИТ «Ховар» Сулаймон ХОЛЗОДА.
Дар айни замон кормандони хоҷагии ҷангал дар ниҳолхонаи нав, ки атрофаш бо симтӯр маҳкам карда шудааст, ба шинонидани ниҳолҳо ва тухмии он машғул мебошанд. Дар ин ҷо бештар ниҳолҳое парвариш меёбанд, ки ба шароити иқлими минтақа мутобиқ буда, дар бунёду барқарорсозии ҷангалзор истифода бурда мешаванд. Ҳангоми шинонидани тухмии ниҳолҳо қоидаҳои агротехникӣ риоя мегарданд. Яке аз мушкилоти асосӣ дар бунёди ниҳолхона- ин норасии об мебошад. Бо назардошти ин як чоҳи амудӣ канда шуда, ба масофаи беш аз 1500 метр қубур кашидаанд. Ҳоло аз ин об ду маҳаллаи аҳолинишин ва ниҳолхона обёрӣ карда мешаванд.
Инчунин бо татбиқи барномаи мазкур иншооти панели рушноӣ низ бунёд гардида, бинои маъмурии хоҷагӣ бо барқи доимӣ таъмин гардидааст.
Тавре Директори Хоҷагии ҷангали «Шӯрообод» Сайҷаъфар Асрорзода иттилоъ дод, «дар доираи дар амал татбиқ намудани Консепсияи гузариш аз сатҳи минтақавӣ ба сатҳи маҳаллӣ таъмин намудани ниҳолҳо барои пешбурди корҳои бунёду барқарорсозии ҷангал дар назди муассиса як ниҳолхона ташкил карда буданд, ки ниҳолҳои он барои бунёду барқарорсозии ҷангал омода мебошанд. Ниҳолҳо ба шароити иқлими минтақа мутобиқ ва сабзишашон беш аз 95 фоизро ташкил медиҳад».
Бо бунёди он майдони умумии ниҳолхона дар Муассисаи давлатии хоҷагии ҷангали «Шӯрообод»-и ноҳияи Шамсиддини Шоҳин ба якуним гектар расида, имкони бо хароҷоти камтарин бунёду барқарорсозии ҷангалзор фароҳам меояд.
АКС: АМИТ «Ховар
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
