«ЭМОМАЛӢ РАҲМОН-БУНЁДГУЗОРИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН». Таҳти чунин унвон дар Душанбе ҳамоиш доир карда шуд

Февраль 22, 2023 18:28

ДУШАНБЕ, 22.02.2023. /АМИТ «Ховар»/. «Эмомалӣ Раҳмон-бунёдгузори Қувваҳои Мусаллаҳи Ҷумҳурии Тоҷикистон»- таҳти чунин унвон имрӯз дар шаҳри Душанбе бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Кумитаи марказии Ҳизби Халқии Демократии Тоҷикистон Конференсияи ҷумҳуриявии илмӣ-амалӣ доир гардид, иттилоъ медиҳад мухбири АМИТ «Ховар».

Зимни ҳамоиш таъкид гардид, ки дар таъсис ва таҳкими иқтидори минбаъдаи Артиши миллӣ нақши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муҳим буда, бо шарофати хирадмандӣ ва дурандешии Пешвои миллат имрӯз ҳамаи шароит барои Қувваҳои Мусаллаҳи мамлакат фароҳам оварда шудааст, то хизматчиёни ҳарбӣ тавонанд бо интизоми қавӣ, донишу малакаи сатҳи баланд, истифодаи моҳиронаи техникаву технологияҳои муосири ҳарбӣ, рӯҳияи баланди ватандӯстӣ баҳри ҳимояи далеронаи Ватан ва саъю кӯшишҳо ҷиҳати таъмини ҳаёти осоишта ва созандаи мардуми тоҷик хидмат намоянд.

Гуфта шуд, ки бо дастгирии бевоситаи Президенти Ҷумҳурии Тоҷикистон муҳтарам Эмомалӣ Раҳмон моҳи октябри соли 1993 Маркази таълимии Қӯшунҳои хушкигард таъсис дода шуд, ки дар вақти нарасидани кадрҳои низомӣ тадбири хеле пурарзиш буд. Мутахассисони хурди низомие, ки аз ҳисоби сарбозон дар ин маркази таълимӣ омода карда мешуданд, дар ташкил ва таҳкиму тақвияти ин навъи Қувваҳои Мусаллаҳ нақши муҳим бозидаанд.

Дар фарҷоми ҳамоиш ба як зумра раисони кумитаи иҷроияи Ҳизби Халқии Демократии Тоҷикистон дар шаҳру ноҳияҳои мамлакат, ки нақшаи даъвати тирамоҳии шаҳрвандонро дар муҳлати 20 рӯзи аввали моҳи октябри соли 2022 иҷро намуданд, сипоснома тақдим карда шуд.

АКС: АМИТ «Ховар»

Февраль 22, 2023 18:28

Хабарҳои дигари ин бахш

Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд