«Formula 55 Cup». Дар Душанбе мусобиқаи кушоди волейбол доир карда мешавад

ДУШАНБЕ, 24.02.2023 /АМИТ «Ховар»/. Аз 25 феврал то 5 март аввалин ширкати букмекерии «Formula55» мусобиқаи волейбол доир менамояд. Соли дуюм аст, ки мусобиқаи «Formula55 CUP» оид ба волейбол баргузор карда мешавад. Дар ин хусус ба мухбири АМИТ «Ховар» дар ширкати «Formula55» хабар доданд.

Дар мусобиқа дастаҳои мардона ва духтарона аз тамоми манотиқи мамлакат иштирок менамоянд.

Ҷоизаҳои мусобиқа байни мардон барои зинаи якум 5555 сомонӣ, ҷойи дуюм — 3555 сомонӣ ва мақоми сеюм 2555 сомонӣ муайян гардидаанд.

Ҷоизаи мусобиқа байни занон барои ҷойи якум — 2555 сомонӣ ва Ҷоми мусобиқаи «Formula55 CUP», зинаи дуюм — 1555 сомонӣ ва мақоми сеюм — 1000 сомонӣ ихтисос дода шудааст.

Бояд гуфт, ки мусобиқаи мазкур дар муассисаи таълимии варзишӣ №5 баргузор мешавад. Ҳаводорон барои тамошо ва дастгирии дастаҳои волейболи мамлакат даъват карда мешаванд.

Ёдовар мешавем, ки ширкати букмекерии «Formula55» аз рӯзҳои аввали фаъолияти худ намудҳои мухталифи варзиш ва чорабиниҳои гуногуни варзиширо дар саросари мамлакат дастгирӣ менамояд.

АКС аз ширкати «Formula55»