ХАБАРИ РАСМӢ. Дар Хоруғ бар асари тарма 8 нафар ба ҳалокат расидаанд
ДУШАНБЕ, 15.02.2023 /АМИТ«Ховар»/. 15 феврал бар асари тармафароӣ дар қаламрави шаҳри Хоруғи Вилояти Мухтори Кӯҳистони Бадахшон 8 нафар сокинони маҳаллӣ- писар ва духтари чорсола ва чор зан ба ҳалокат расидаанд. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Бо талоши наҷотдиҳандагон то соати 14:00-и 15 феврал нуҳ нафар сокинони зери тармамонда наҷот дода шуданд.
Дар ин офати табиӣ 22 хонаи истиқоматии сокинон зарар дида, 4 хона пурра ва 18 хона қисман хароб гардидааст.
Ҳолати фавқулода дар роҳи Душанбе-Хоруғ-Мурғоб боқӣ мемонад. Ин роҳ то ба ин лаҳзаҳо бо сабаби омадани тармаи зиёд дар қаламрави ноҳияҳои Рӯшон ва Шуғнон баста мебошад.
Дар шаҳри Хоруғ ситоди доимамалкунандаи шабонарӯзии рафъи ҳолатҳои фавқулода ва пайомадҳои офати табиӣ созмон дода шудааст.
Ҳайати Кумитаи ҳолатҳои фавқулода ва мудофиаи граждании мамлакат бо сарварии муовини Раиси Кумита Имомалӣ Иброҳимзода барои ҳамоҳангсозӣ ва роҳандозии амалиёти наҷот ва рафъи ҳолатҳои фавқулода дар Бадахшон қарор дорад.
Корҳо барои расонидани ёрии фаврӣ ба хонаводаҳои ҳалокшуда ва зарардида, ҳамчунин ҷараёни бартарафсозии пайомадҳои офати табиӣ зери назорати шахсии Сарвари давлат қарор дорад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Ҳавои моҳи январи имсола нисбат ба соли 2024 гармтар пешгӯйӣ мешавад
Чаро ғизои дар ҳавопаймо дастрас маззаи хӯроки маъмулиро надорад?
ИНТИХОБОТИ ВАКИЛОНИ ХАЛҚ-2025. Интихобот ифодаи рушди демократия мебошад
БАРДОШТ АЗ ПАЁМ. Ҳар давлати миллӣ ба сифати арзишҳои миллӣ, пеш аз ҳама, забонро мавриди пуштибонӣ ва ҳимоя қарор медиҳад
ДАСТОВАРДИ ТАБИБОНИ ТОҶИК. Бори аввал дар самти бемории рагҳои мағзи сар ҷарроҳӣ ба тариқи эндоскопӣ гузаронида шуд
«МАҚОМИ ЗАНОН ДАР МЕҲВАРИ ПАЁМ». Дар шаҳри Душанбе ҳамоиши занону духтарон баргузор гардид
Масъалаи касбомӯзии аҳолӣ дар меҳвари таваҷҷуҳи Ҳукумати мамлакат, хусусан Президенти Тоҷикистон қарор дорад
Дар ҳама шаҳру ноҳияҳои сераҳолии Тоҷикистон марказҳои касбомӯзию хизматрасонӣ ва рушди малака таъсис дода мешаванд
Президенти Тоҷикистон: «Дар фарҳангу тамаддуни тоҷикон иззату эҳтироми зан – модар ҳамеша ҷойгоҳи хос дорад»
Масъалаи муқовимат ба коррупсия дар ҷараёни иҷрои Барномаи давлатӣ оид ба кумаки унвонии иҷтимоӣ баррасӣ шуд
