НИШАСТИ МАТБУОТӢ. Мушкили норасоии оби нӯшокӣ дар шаҳраки Дарбанди ноҳияи Нуробод ҳалли худро меёбад?
НУРОБОД, 06.02.2023 /АМИТ «Ховар»/. Мушкилоти норасоии оби нӯшокӣ дар шаҳраки Дарбанди ноҳияи Нуробод бартараф карда мешаванд. Имрӯзҳо сокинони маркази ноҳияи Нуробод — шаҳраки Дарбанд дар таъмини оби нӯшокӣ хусусан дар фасли зимистон мушкилӣ доранд.
Раиси ноҳияи Нуробод Додарҷон Ҷобирзода зимни нишасти матбуотӣ дар Мақомоти иҷроияи ҳокимияти давлатии ноҳия ба саволи хабарнигори минтақавии АМИТ «Ховар» Субҳониддини МАҲМУД вобаста ба ин мушкилӣ иброз дошт, ки «дар мавзеъҳои гуногуни шаҳраки Дарбанд бо дастгирии соҳибкорони маҳаллӣ 3 адад чоҳҳои амудӣ канда, ба истифода дода шудаанд. Ин чоҳҳо қисматҳои алоҳидаи марказро бо оби нӯшокӣ таъмин менамоянд. Ҳамчунин ҷиҳати барқарор намудани хати оби нӯшокии Сари Қош, ки аз даврони Шӯравӣ боқӣ монда буд, мо кӯшиш карда, насосҳои обкаши онро таъмири пурра намудем. Вале дар натиҷаи санҷиш муайян гардид, ки бинобар сабаби солҳои тӯлонӣ истифода накардани ин хати оби нӯшокӣ зиёда аз 300 метр қубури он пурра хароб гардидааст. Хушбахтона, мо манбаъҳои маблағгузорӣ барои хариди ин қубурҳоро пайдо намудем ва ваъда медиҳем, ки моҳҳои наздик бо барқарор гардидани ин хати оби нӯшокӣ мушкилоти мардум пурра бартараф мегарданд».
Зимни нишасти матбуотӣ ҳамчунин иброз гардид, ки дар ноҳия корҳои ободонию созандагӣ ба истиқболи ҷашни 35-солагии Истиқлоли давлатӣ бо маром идома дошта, дар ҳамкорӣ бо вазорату идораҳо, сармоягузорону ҷалби соҳибкорон бунёди 97 иншооти таъйиноти гуногун ба нақша гирифта шудааст. Аз ҷумла, дар соҳаи маориф 12 иншоот, фарҳанг- 3 иншоот, тандурустӣ- 7 иншоот ва саноатию истеҳсолӣ 9 иншоот сохта, ба истифода дода мешаванд. Имрӯзҳо корҳои сохтмонӣ дар 77 иншоот идома дошта, соли 2022 16 иншоот мавриди баҳрабардорӣ қарор гирифтанд.
Субҳониддини МАҲМУД,
АМИТ «Ховар»
АКС: АМИТ «Ховар
Пагоҳ Форуми байналмилалии «Нақши занон дар эҳёи суннатҳои наврӯзӣ» доир мегардад
«ЗАБОНИ МО – ҶАҲОНИ МО». Дар Тоҷикистон Анҷумани сеюми забоншиносон баргузор мегардад
Қабули мавод ба Озмуни ҷумҳуриявии «Эмомалӣ Раҳмон — бунёдгузори Ваҳдати миллӣ» то охири моҳи май идома меёбад
СОЗТАРОШӢ. Созтарошон фарҳанги мусиқии миллӣ ва мероси ниёгонро зинда нигоҳ медоранд
Чаро бемории аллергия бештар дар фасли баҳор ба мушоҳида мерасад?
Бахшида ба ҷашни Наврӯз дар мақомоти Ваколатдор оид ба ҳуқуқи инсон ҳамоиши идона доир шуд
Дар Суғд таҳти унвони «Баҳори ҷавонӣ — Наврӯзи ҷаҳонӣ» Фестивали ҷумҳуриявии дӯстии ҷавонон доир мегардад
Тақрибан 2,8 миллион шаҳрвандони Тоҷикистон аз Узбекистон боздид карданд
Байни Тоҷикистон ва Узбекистон дар самти ҷавонон якчанд созишнома оид ба татбиқи лоиҳаҳои муштарак ба имзо расид
Иштирокдорони Фестивали дуюми ҷаҳонии «Наврӯзи ҷавонон» бо фаъолияти Агентии обуҳавошиносӣ шинос гардиданд
РУШДИ ҲУНАРҲОИ МАРДУМӢ. Сабадбофӣ барои рушди иқтисод ва сайёҳӣ имкон фароҳам меорад
200 зани ҳунарманд ва соҳибкори Тоҷикистон соҳиби гранти президентӣ мегардад
