ЮНЕСКО дар бораи маҳдуд будани дастрасии қариб сеяки мактабҳои ҷаҳон ба оби тозаи ошомиданӣ хабар медиҳад
ДУШАНБЕ, 13.02.2023 /АМИТ «Ховар»/. Созмони СММ оид ба масоили маориф, илм ва фарҳанг (ЮНЕСКО) аз ҷомеаи ҷаҳонӣ даъват ба амал овард, ки ба ғизои мактабӣ ва саломатии мактаббачагон таваҷҷуҳи бештар зоҳир кунанд, дар ҳоле ки тақрибан сеяки муассисаҳои таълимӣ дар саросари ҷаҳон ба оби ошомиданӣ дастрасӣ надоранд. Гузориши марбут ба «Омодаи таҳсил ва рушд мебошем- саломатӣ ва ғизо дар мактабҳои саросари дунё» 8 феврал нашр шуд. Дар ин хусус АМИТ «Ховар» бо истинод ба ТАСС хабар медиҳад.
“Ҳамин тавр, 584 миллион кӯдак ба хизматрасониҳои одии оби ошомиданӣ дар мактабҳо дастрасии маҳдуд доранд ё тамоман надоранд; 2 нафар аз 5 тан чунин кӯдакон дар кишварҳои Африқо дар ҷануби Сахара зиндагӣ мекунанд. Ва дар ҳоле ки тақрибан дар ҳама кишварҳои ҷаҳон хӯроки мактабӣ таъмин мешавад, тахмин карда мешавад, ки 73 миллион кӯдакони осебпазир то ҳол аз ин барномаҳои маҳаллии ғизодиҳии мактабӣ баҳра намебаранд,», изҳор доштанд дар ЮНЕСКО.
Дар ин созмони байналмилалӣ таъкид кардаанд, ки таъмини ғизо ва назорати саломатии мактаббачаҳо кӯдаконро бештар ба таҳсил ва мондан дар муассисаи таълимӣ ташвиқ мекунад. Танҳо аз ҳисоби ғизодиҳӣ 8 фоиз зиёд кардани давомоти таҳсил мумкин аст. Бо вуҷуди ин, дар ҳоле ки тақрибан ҳамаи давлатҳои аъзо ба барномаҳои солимии мактаб ва ғизо сармоягузорӣ мекунанд, ин сармоягузориҳо «дар минтақаҳо нобаробаранд ва аксар вақт дар муқоиса бо эҳтиёҷот кофӣ нестанд», изҳор доштанд дар ЮНЕСКО.
“Хонандагон дар мактабҳои бехатар ва солим беҳтар таҳсил мекунанд. Бо вуҷуди ин, бисёре аз муассисаҳои таълимӣ барои таъмини саломатӣ ва некӯаҳволӣ, аз ҷумла сарчашмаҳои асосии оби нӯшокӣ ва беҳдошт имкон надоранд. ЮНЕСКО ва шарикони он аз ҷомеаи ҷаҳонӣ даъват мекунанд, ки кишварҳоро барои сармоягузории онҳо дар соҳаи тандурустӣ, ғизо ва ҳифзи иҷтимоӣ дар мактабҳо дастгирӣ кунанд, зеро кӯдакон сазовори муҳите ҳастанд, ки дар он тавоноии пурраи худро ба даст оварда тавонанд», — изҳор дошт директори генералии ЮНЕСКО Одри Азуле.
Мансур СУРУШ,
Ҷаҳонгир ГУЛМУРОДӢ,
АМИТ «Ховар»
АКС аз манбаъҳои боз
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
