Ба сохтмончиёни НБО-и «Роғун» барои истироҳат дар осоишгоҳ ва истироҳатгоҳҳои ҷумҳурӣ 300 роҳхат ҷудо карда шуд
ДУШАНБЕ, 17.03.2023 /АМИТ «Ховар»/. Дар арафаи таҷлили Ҷашни байналмилалии Наврӯз ҳайати Федератсияи иттифоқҳои касабаи мустақили Тоҷикистон ба Неругоҳи барқи обии «Роғун» сафари корӣ анҷом дод. Зимни мулоқот бо сохтмончиён аз ҷониби Федератсия ва ташкилоти ҳамкори он ба кормандони Неругоҳи барқи обии «Роғун» барои истироҳат дар осоишгоҳ ва истироҳатгоҳҳои ҷумҳурӣ 300 роҳхат ҷудо карда шуд. Ҳамчунин ҳамасола фарзандони онҳо барои истироҳат дар лагерҳои беруназшаҳрӣ ҷалб мегарданд. Дар ин хусус АМИТ «Ховар» бо истинод ба ин Федератсия хабар медиҳад.
Дар оғози сафар масъулини мудирияти идоракунандаи неругоҳ бо меҳмонон мулоқоти корӣ анҷом дода, оид ба ҷараёни сохтмон, шароити кору истироҳати сохтмончиён, масъалаҳои вобаста ба ҳифзи ҳуқуқ ва меҳнат дар иншооти сохташаванда ва масъалаҳои шарикӣ бо ташкилоти ибтидоии иттифоқҳои касабаи НБО-и мазкур табодули афкор намуданд.
Меҳмонон аз қитъаҳои сохтмонӣ дидан ва бо сохтмончиёни ин иншооти аср суҳбат карданд.
Дар доираи сафари корӣ аз ҷониби Федератсияи иттифоқҳои касабаи мустақили Тоҷикистон барои сохтмончиёни ин боргоҳи нур дастархони идона ороста шуда, баҳри болидаруҳии онҳо ва бахшида ба Ҷашни байналмилалии Наврӯз барномаи фарҳангӣ доир намоиш дода шуд.
Дар фарҷоми ҷамъомад як зумра кормандони фаъоли неругоҳ бо сипосномаю туҳфаҳои хотиравӣ сарфароз гардонида шуданд.
АКС: Федератсияи иттифоқҳои касабаи мустақили Тоҷикистон
СУРАТГУЗОРИШ. Бунёдгузору бунёдсози «Роғун» — Кохи бузурги нури Тоҷикистон
НАЗАРИ КОРШИНОС. НБО «Роғун» — унсури калидии таъмини суботи геополитикӣ ва амният дар Осиёи Марказӣ
«РОҒУН»-СОХТМОНИ АСР! Бунёди он пойдевори асосӣ барои расидан ба ормонҳои миллӣ ва фардои дурахшони Тоҷикистон аст
СОҲИБИСТИҚЛОЛӢ — САФҲАИ ТИЛЛОИИ ТАЪРИХИ ХАЛҚИ ТОҶИК. Мулоҳизаҳо дар робита ба 32-солагии Истиқлолияти давлатӣ
Дар Неругоҳи барқи обии «Роғун» филиалҳои кафедраҳои тахассусии Донишгоҳи техникии Тоҷикистон таъсис дода шуд
НЕРУГОҲИ БАРҚИ ОБИИ «РОҒУН». Устодон-олимони Донишгоҳи техникии Тоҷикистон бо ҷараёни сохтмони ин иншооти азим шинос шуданд
«КОРВОНИ ИТТИЛООТӢ». Иқдоме, ки ваҳдатро таҳким мебахшад
ЭМОМАЛӢ РАҲМОН-ЭҲЁГАРИ «РОҒУН». Ин неругоҳ бо нури ҷовидонааш на танҳо Тоҷикистон, балки оламро фурӯзон месозад
ОЗМУН БАРОИ «РОҒУН». Донишгоҳи миллии Тоҷикистон барои эҷоди беҳтарин асар ё шеър дар васфи НБО «Роғун» — иншооти бузурги аср эълон менамояд
ПРЕЗИДЕНТИ ТОҶИКИСТОН-ЭҲЁГАРИ «РОҒУН». Ин неругоҳ ҳамчун манбаи нур давлати моро ба ахтари ҳамеша тобон табдил хоҳад дод
«ҶАВОНОН-ПАЙРАВОНИ ПЕШВОИ МИЛЛАТ». Дар неругоҳи «Роғун» бо иштироки ҷавонони фаъол ва коршиносони мамлакат ҳамоиш доир шуд
