Дар хоҷагиҳои деҳқонии Конибодом кишти чигит оғоз ёфт
ДУШАНБЕ, 20.03.2023. /АМИТ «Ховар»/. Наврӯз дар фарҳанги миллати тоҷик ҳамеша рамзи рӯзи нав, оғози кишту кор ва пайванди инсону табиат буда, бо фарорасии баҳор мардум донаи умед ба хок мепошад. Дар арафаи Ҷашни байналмилалии Наврӯз кишоварзони шаҳри Конибодоми вилояти Суғд ба кишти чигит оғоз бахшида, бо руҳияи болида ба корҳои саҳроӣ шуруъ намуданд. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Роҳбарияти вилояти Суғд дар хоҷагии деҳқонии «Дурахшон»-и Ҷамоати деҳоти ба номи Абулқосим Лоҳутӣ ва хоҷагии деҳқонии ба номи «Маҳкамов»-и Ҷамоати деҳоти Куҳандиёр ба кишти пунбадона оғоз бахшид.
Дар суҳбат бо кишоварзон роҳбари вилоят фарорасии Наврӯзи фаррухпайро табрик гуфта, иброз намуд, ки Наврӯз ҳамчун падидаи беназири фарҳангӣ ҳамеша мардумро ба бунёдкорию созандагӣ ҳидоят намудааст.
Ҳамзамон ба кишоварзон тавсия дода шуд, ки ҳар порча заминро самаранок истифода бурда, кишти зироат, аз ҷумла пахтаро дар вақти муайяншуда ба анҷом расонанд.
Дар Конибодом имсол дар масоҳати 5600 гектар чигит кишт гардида, хоҷагидорон тасмим гирифтаанд ҳосили хуб ба даст оранд.
АКС: Мақомоти иҷроияи ҳокимияти давлатии вилояти Суғд
Тоҷикистон ва Узбекистон гузариши транзитии мошинҳои боркашро осон менамоянд
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
Ҳайати Тоҷикистон бо Президенти Бонки сармоягузории Аврупо ҷалби сармоя барои бунёди иншооти гидроэнергетикиро баррасӣ намуд
Дар минтақаи саноатии шаҳри Гулистон қубурҳои полиэтиленӣ ва ноқилҳои барқӣ истеҳсол мешавад
Дар корхонаҳои саноатии Бадахшон имсол ба маблағи қариб 40 миллион сомонӣ маҳсулот истеҳсол карда шудааст
Сайёҳон бештар ба тамошои ёдгориҳои таърихии Тоҷикистон мароқ зоҳир менамоянд
