Дар Лондон масъалаи ба «Амонатбонк» додани нуфузи байналмилалӣ баррасӣ шуд
ДУШАНБЕ, 30.03.2023 /АМИТ «Ховар»/. Нишондиҳандаҳои молиявии Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ва нақшаҳои минбаъда оид ба дастрас намудани нуфузи байналмилалии он зимни мулоқоти раиси Раёсати Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Сироҷиддин Икромӣ бо мудири бахши тиҷорат ва ҳамкории байналмилалии Оҷонсии байналмилалии «Fitch ratings» хонум Катлин Плункет баррасӣ гардид, иттилоъ доданд ба АМИТ «Ховар» дар «Амонатбонк».
Мулоқот дар ҳошияи Форуми сармоягузории Тоҷикистон ва Британияи Кабир дар Лондон доир гардида, аз ҷониби роҳбарияти «Амонатбонк» дастовардҳои молиявии бонк дар соли 2022 рӯнамоӣ гардид.
Намояндаи Оҷонсии байналмилалии «Fitch ratings» изҳор дошт, ки гурӯҳи кории Оҷонсӣ омода аст дар наздиктарин фурсат ба Тоҷикистон омада, фаъолияти муштаракро барои додани нуфузи байналмилалӣ ба «Амонатбонк» оғоз намояд. Дар робита ба ин мусоҳибон ба хулосае омаданд, ки гурӯҳи кории муштарак таъсис дода, ба фаъолият шуруъ намоянд.
Таъкид карда шуд, ки Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ҳамеша ҷонибдори сиёсати пешгирифтаи Ҳукумати Ҷумхурии Тоҷикистон буда, дар самти баланд бардоштани хизматрасонии бонкӣ, дастгирии соҳибкорони ватанӣ, ҷалби бештари сармояи арзони хориҷӣ ба иқтисодиёти мамлакат ва баланд бардоштани обрую нуфузи бонк дар арсаи байналмилали тадбирҳои заруриро амалӣ менамояд.
АКС: Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк»
Дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил карда шуд
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
