Дар Москва Ҷашни байналмилалии Наврӯзро бо намоиши расму оинҳои тоҷикӣ таҷлил карданд
ДУШАНБЕ, 21.03.2023 /АМИТ «Ховар»/. 19 март дар шаҳри Москва бо ташаббуси Сафорати Ҷумҳурии Тоҷикистон дар Федератсияи Русия ба муносибати фарорасии Ҷашни байналмилалии Наврӯз ҳамоиши идона баргузор гардид. Дар ин хусус ба АМИТ «Ховар» дар Сафорати Тоҷикистон дар Русия хабар доданд.
Аз ҷониби Сафорат намоишгоҳи таҷассумгари суннату оинҳои аҷдодии ҷашни Наврӯз ва зарфиятҳои сайёҳии Тоҷикистон ташкил гардид.
Дар ҳамоиш иброз шуд, ки «барои тоҷикон Наврӯз бузургтарин ва самимитарин ҷашни миллӣ маҳсуб ёфта, он таърихи хеле қадима дорад. Тибқи Қатъномаи қабулнамудаи СММ, зиёда аз даҳ сол мешавад, ки ин ҷашни бостонӣ дар қаламрави бузурги кишварҳои ҳавзаи Наврӯз ҳамчун Рӯзи байналмилалии Наврўз 21 март бо шукӯҳу шаҳомати хосса таҷлил мегардад».
Дар чорабинӣ намояндагони мақомоти дахлдори Ҷумҳурии Тоҷикистон дар Федератсияи Русия, роҳбарони ташкилотҳои ҷамъиятии тоҷикони муқими кишвари иқомат, намояндагону фаъолони ҷамъиятҳо, чеҳраҳои маъруфи аҳли зиё, доираҳои соҳибкорон аз ҳисоби ҳамватанони муқим ва донишҷӯёни тоҷик иштирок намуданд.
Дар доираи чорабинӣ ба меҳмонон барномаи ҷолиби консертӣ пешкаш гардид. Ҳунарнамоии устодони санъати тоҷик ҳозиринро дар фазои зебогӣ ва пурнишоти Наврӯз қарор дод.
Ҳамзамон ба меҳмонон анъанаҳои асосии ҷашни Наврӯз, аз ҷумла дастархони бо «Ҳафт син ва Ҳафт шин» орододашуда пешниҳод гардид.
Ҳамчунин худи ҳамин рӯз ба муносибати Иди байналмилалии Наврӯз дар яке аз калонтарин майдонҳои шаҳри Москва «VK Stadium» бо иштироки беш аз 5000 тамошобин Галла-консерти бошукӯҳ баргузор гардид. Дар чорабинӣ устодони санъат ва ситораҳои эстрадаи Тоҷикистон ҳунарнамоӣ карданд.
АКС: Сафорати Тоҷикистон дар Москва
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
Муҳаммадин, Шодмон, Фарҳод ва Шакармамад соҳиби шоҳҷоизаҳои мусобиқаи гӯштини миллии ноҳияи Рашт гардиданд
Аъзои Ҳизби Халқии Демократии Тоҷикистон дар Неругоҳи барқи обии «Роғун» Наврӯзи байналмилалиро таҷлил намуданд
