Мавқеи Темур Раҳимов ва Эмомалии Нуралӣ пас аз мусобиқаи «Tashkent Grand Slam 2023» дар раддабандии ҷудо тағйир ёфт
ДУШАНБЕ, 09.03.2023 /АМИТ «Ховар»/. Пас аз мусобиқаи Tashkent Grand Slam 2023 дар раддабандии Федератсияи байналмилалии ҷудо тағйирот ба амал омад. Дар ин хусус ба шореҳи варзиши АМИТ «Ховар» дар Федератсияи дзюдои Тоҷикистон хабар доданд.
Паҳлавони маъруф ва сангинвазни тоҷик Темур Раҳимов, ки давоми солҳои охир дар вазни хеш ҷудокори рақами яки ҷаҳон буд, пас аз ин мусобиқа мавқеашро аз даст дод. Темур дар мусобиқаи байналмилалии Tashkent Grand Slam 2023 оид ба гӯштини ҷудо мақоми 5-умро касб карда, ҳоло бо 1920 имтиёз дар вазни + 100 кг дар мақоми дуюм мавқеъ гирифт. Татсуру Саитои ҷопонӣ, ки дар мусобиқаҳои охир рақиби ҷудочии мо Темур Раҳимов маҳсуб мешавад, бо 1950 имтиёз ҳоло миёни сангинвазҳо беҳтарин ҷудочии ҷаҳон эътироф шудааст.
Варзишгари шинохтаи тоҷик ва чемпиони ҷаҳон миёни ҷавонон Эмомалии Нуралӣ пеш аз мусобиқаи Tashkent Grand Slam 2023 дар мавқеи 20-уми раддабандии ҷудои ҷаҳон дар вазни то 66 кг ҷой гирифта буд. Баъди ба даст овардани медали тиллои мусобиқаи байналмилалии Tashkent Grand Slam 2023 оид ба гӯштини ҷудо Эмомалӣ Нуралӣ аз зинаи 20-ум ба зинаи 7-ум баромад. Ҳоло Эмомалӣ Нуралӣ 1 115 имтиёз дорад ва дар сурати ҳамин гуна идома додани ҳунарнамоияш дар зудтарин фурсат мо ӯро дар вазни то 66 кг беҳтарин ҷудочии сайёра мебинем.
Дар вазни то 66 кг Денис Виеру аз Молдова бо 1936 имтиёз ҳоло ҷудочии рақами яки ҷаҳон аст.
Ёдовар мешавем, ки дар Мусобиқаи байналмилалии Tashkent Grand Slam 2023 оид ба гӯштини ҷудо Эмомалии Нуралӣ дар вазни -то 66 кг соҳиби медали тилло ва Сомон Маҳмадбеков дар вазни то 81 кг соҳиби медали биринҷӣ гардид.
АКС: Федератсияи ҷудои Тоҷикистон
Хабарҳои дигари ин бахш
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
Дастаи мунтахаби олимпии Тоҷикистон оид ба футбол ғолиби мусобиқаи байналмилалӣ дар Ҳиндустон гардид
Абубакр аз Тоҷикистон ва Ҷасур аз Узбекистон соҳиби шоҳҷоизаҳои мусобиқаи гӯштини миллӣ дар Кӯлоб шуданд
Дастаи мунтахаби Тоҷикистон оид ба футбол ба марҳилаи ниҳоии Ҷоми Осиё-2027 роҳ ёфт
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
