ТАҚВИМИ АМИТ «ХОВАР»: имрӯз 1 март, чоршанбе, 60-умин рӯзи соли 2023 аст

1 марти соли 2016 Пешвои миллат муҳтарам Эмомалӣ Раҳмон дар фазои тантанавӣ якбора се иншооти муҳими воситаҳои ахбори омма — Муассисаи давлатии телевизиони «Варзиш», Муассисаи давлатии телевизиони «Синамо» ва Муассисаи давлатии «Академияи воситаҳои ахбори умум»-ро ифтитоҳ намуданд.

***

Дар ин рӯзи соли 2017 дар шаҳри Исломободи Ҷумҳурии Исломии Покистон Президенти Тоҷикистон Эмомалӣ Раҳмон дар кори Иҷлосияи 13-уми Созмони ҳамкории иқтисодӣ  суханронӣ намуданд.

1 МАРТ:

 Рӯзи байналмилалии мудофиаи шаҳрвандӣ.

***

Рӯзи умумиҷаҳонии иммунитет.

РӮЙДОДҲО:

 1 марти соли 2014 Сарвари давлат Эмомалӣ Раҳмон дар ноҳияи Ҳисор ба бунёди боғи «Сеҳазорсолагии Ҳисор» оғоз бахшиданд.

***

1  марти соли 2020  Президенти Ҷумҳурии Тоҷикистон муҳтарам Эмомалӣ Раҳмон барои иштирок дар интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ ба участкаи интихоботии №15, ҳавзаи интихоботии №2-и ноҳияи Исмоили Сомонии шаҳри Душанбе ташриф оварданд.

***

1 марти соли 2010 дар шаҳри Бокуи Озарбойҷон ҷаласаи дурӯзаи  ХI Шӯрои роҳбарони агентиҳои давлатии иттилоотии ИДМ оғоз гардид.

***

1 марти соли 2016 АМИТ «Ховар» хабар дод, ки роҳҳои мошингарди Помир ба рӯйхати 10 роҳи зеботарини ҷаҳон ворид гардиданд.

 ДАР ИН РӮЗ ТАВАЛЛУД ШУДААНД: 

Қурбоналӣ Раҷаб- соли 1925 — Нависандаи халқии Тоҷикистон

Аслиддин Низомов- соли 1950 — доктори санъатшиносӣ