Тадбирҳои Ҳукумати Тоҷикистон дар самти мубориза бо қочоқи маводи нашъаовар дар Вена муаррифӣ карда шуд
ДУШАНБЕ, 14.03.2023 /АМИТ «Ховар»/. Ҳайати Тоҷикистон таҳти роҳбарии Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода дар иҷлосияи 66-уми Комиссияи СММ оид ба маводи нашъаовар, ки 13 март дар шаҳри Вена оғоз ёфт, иштирок дорад. Дар ин хусус ба АМИТ «Ховар» дар Агентии назорати маводи нашъаовар хабар доданд.
Дар иҷлосия дар баробари ҳайати Тоҷикистон вазирон ва роҳбарони мақомоти назорати маводи нашъаовари давлатҳои аъзои СММ низ иштирок доранд.
Директори Агентӣ дар рӯзи аввали кори иҷлосия сухан гуфта, таваҷҷуҳи иштирокчиёнро ба вазъи маводи нашъаовар дар ҷумҳурӣ ва минтақа, бахусус вазъи нигаронкунандаи қочоқи маводи нашъаовар тавассути сарҳади Афғонистону Тоҷикистон, чораҳои амалинамудаи Ҳукумати мамлакат барои мубориза бо қочоқ ва муомилоти ғайриқонунии маводи нашъаовар, аз ҷумла пурзӯр намудани назорати сарҳад, сохта, ба истифода додани иншооти сарҳадӣ ҷалб намуд.
Инчунин давлатҳои маблағгузор ва созмонҳои байналмилалиро даъват намуд, ки дар таҳким бахшидани назорати сарҳад бо Афғонистон Тоҷикистонро дастгирӣ намоянд.
Ҳамчунин дар ҳошияи Иҷлосияи 66-уми Комиссияи СММ оид ба маводи нашъаовар ҳайати Тоҷикистон дар чорабинии канории Созмони ҳамкории Шанхай ва Раёсати СММ оид ба маводи нашъаовар ва ҷинояткорӣ иштирок намуд.
Дар чорабинӣ оид ба ҳамкории судманди Тоҷикистон бо Созмони ҳамкории Шанхай ва Раёсати СММ оид ба маводи нашъаовар ва ҷинояткорӣ, нақшаҳо ва дурнамои ҳамкорӣ маърӯза карда шуда, таваҷҷуҳи ҳозирин ба ташаббуси ҷумҳурӣ доир ба таъсис додани Маркази зиддимухаддиротии СҲШ дар шаҳри Душанбе ҷалб гардид.
Дар чорабинии мазкур Дабири кулли Созмони ҳамкории Шанхай Чжан Мин, муовини Дабири кулли СММ, Директори иҷроияи Раёсати СММ оид ба маводи нашъаовар ва ҷинояткорӣ Ғода Фатҳи Валӣ, намояндагони Русия, Ҳиндустон, Чин, Покистон, Қазоқистон, Қирғизистон, Узбекистон ва дигар ҳайатҳо иштирок ва суханронӣ намуданд.
Бояд гуфт, ки дар ҳошияи Иҷлосияи 66-уми Комиссияи СММ оид ба маводи нашъаовар иштироки ҳайати Тоҷикистон дар чорабиниҳои канорӣ ва вохӯриҳои алоҳида бо роҳбарони якчанд ҳайат дар назар аст.
Иҷлосия то 19 март идома меёбад.
АКС: Агентии назорати маводи нашъаовари назди Президенти Ҷумҳурии Тоҷикистон
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
ТАЪЛИМОТИ ҒАЙРИРАСМИИ ДИНӢ-ТАҲДИД БА ОЯНДАИ ҶОМЕА. Ва ё чаро ҳуқуқи кӯдакон ба таҳсили қонунӣ поймол мегардад?
