Аҳлиддин Тӯрдиев сармураббии дастаи футболи «Кӯктош»-и ноҳияи Рӯдакӣ интихоб гардид

ДУШАНБЕ, 19.04.2023 /АМИТ «Ховар»/. Баъди як рӯзи истеъфои худ аз вазифаи сармураббии дастаи футболи КМВА-и шаҳри Душанбе Аҳлиддин Турдиев вазифаи сармураббии дастаи «Кӯктош»-и ноҳияи Рӯдакиро ба уҳда гирифт, иттилоъ медиҳад шореҳи варзиши АМИТ «Ховар».

Аҳлиддин Тӯрдиев соли 2018 дар дастаи футболи «Кӯктош»-и ноҳияи Рӯдакӣ ба ҳайси ёрдамчии Алиҷон Турдиназаров фаъолият карда буд. Бо роҳбарии онҳо дастаи футболи «Кӯктош»-и ноҳияи Рӯдакӣ сазовори зинаи сеюм гардид. Имсол дастаи КМВА-и шаҳри Душанбе дар ибтидои мавсим дар Ҷоми ФФТ ғолиб омад, аммо баъди гузашти чаҳор даври мусобиқа бинобар натиҷаҳои на он қадар хуб бо хоҳиши худ аз вазифа рафт.

Бояд гуфт, ки Аҳлиддин Турдиев дар мавсими гузашта сармураббии дастаи «Динамо» дар Лигаи якум ва дастаи мунтахаби ҷавонони то 2-солаи Тоҷикистон буд. Таҳти роҳбарии ӯ дастаи мунтахаби ҷавонони то 20-солаи мамлакат ба даври ниҳоии Ҷоми Осиё баромад, аммо ФФТ ба ҷой ӯ мутахассиси беларус Олег Кубаровро ба даста даъват кард.

Ёдовар мешавем, ки дастаи КМВА-и шаҳри Душанбе таҳти роҳбарии Аҳлиддин Турдиев 4 бозӣ анҷом дода, як бохт ва се натиҷаи мусовиро соҳиб шуд.

АКС аз бойгонӣ