Дар Хатлон баҳри ҳавасмандии омўзгорон тадбирҳои зарурӣ андешида мешаванд
ДУШАНБЕ, 06.04.2023. /АМИТ «Ховар»/. Рафти сохтмони муассисаҳои таълимӣ, сифати таҳсилот, бақайдгирӣ дар Маркази миллии тестӣ, бартараф намудани норасоии кадрҳои омўзгорӣ, иштироки хонандагон дар олимпиадаҳои фаннӣ ва дастгирию ҳавасмандгардонии муаллимон аз ҷумлаи масъалаҳое буданд, ки имрўз дар ҷаласаи ҷамъбастию натиҷагирии соҳаи маорифи вилояти Хатлон дар се моҳи соли равон мавриди баррасӣ қарор гирифтанд, хабар медиҳад АМИТ «Ховар» бо истинод ба Раёсати маорифи вилояти Хатлон.
Ҷаласаи мазкур дар Мактаби президентӣ барои хонандагони болаёқати ноҳияи Кӯшониён доир гардида, чанде аз мудирони шуъбаву бахшҳои маорифи вилояти Хатлон, аз ҷумла ноҳияҳои Вахш, Ҷалолиддини Балхӣ ва Фархор оид ба дастоварду муваффақият ва камбудию норасоиҳои соҳа ҳисобот доданд.
Гуфта шуд, ки дар вилоят бо дастгирии мақомоти ичроияи ҳокимияти давлатии шаҳру ноҳияҳои вилоят ва соҳибкорони бонангу номус ба як зумра омўзгорони ниёзманд барои бунёди манзили зист қитъаи замин ҷудо гардид. Ҳамчунин ба онҳо кумаки молӣ расонида шуд, ки барои бартараф гардидани норасоии кадрҳои омўзгорӣ, махсусан дар деҳоти вилоят мусоидат намуд. Дар оянда низ баҳри ҳавасмандии омўзгорон тадбирҳои зарурӣ андешида мешаванд.
Дар ҷаласа иттилоъ дода шуд, ки дар вилояти Хатлон то соли 2027 қариб 350 муассисаи таълимӣ бо маблағгузории 2 миллиарду 200 миллион сомонӣ сохта ба истифода дода мешавад.
Ёдовар мешавем, ки бо Қарори Ҳукумати Ҷумҳурии Тоҷикистон аз 31 октябри соли 2022 «Барномаи давлатии рушди муассисаҳои соҳаи маорифи вилояти Хатлон барои солҳои 2022-2027» ва нақшаи чорабиниҳо оид ба амалисозии барномаи мазкур тасдиқ гардид.
Хотиррасон мешавем, ки тибқи нақша, барномаи мазкур дар ду марҳила- солҳои 2022-2024 ва 2024-2027 амалӣ гардонида шуда, аз се замима иборат аст: сохтани муассисаҳои таълимие, ки дар ҳолати садамавӣ қарор дошта, ба синфхонаҳои иловагӣ ниёз доранд. Марҳилаи дуюм, муассисаҳои таълимие, ки дар деҳаҳои навбунёд ва деҳаҳое, ки шумораи аҳолиашон рӯ ба афзоиш аст, ба инобат гирифта мешаванд. Тибқи замимаи сеюм таъмиру навсозии муассисаҳои таълимие, ки биноҳои он ба таъмиру навсозӣ ниёз доранд, яъне биноҳои се-чор ошёна, ки ба таъмиру таҷдид ниёз доранд, навсозӣ мегарданд.
Рухсораи НУР,
АМИТ «Ховар»
АКС: Раёсати маорифи вилояти Хатлон
«ФУРӮҒИ СУБҲИ ДОНОӢ КИТОБ АСТ». Волидони ғолибони озмун сазовори нишони «Маърифатпарвар» гардиданд
Намояндагони Тоҷикистон дар конфронси ҷаҳонии рушди таҳсилоти касбӣ дар Чин иштирок намуданд
Байни Донишгоҳи давлатии омӯзгории Тоҷикистон ва Донишгоҳи касбии Заоҷуани Чин созишномаи ҳамкорӣ ба имзо расид
Маркази барномаҳои байналмилалӣ барои таҳсили шаҳрвандони Тоҷикистон дар муассисаҳои таҳсилоти олӣ ва илмӣ дар давлатҳои хориҷӣ қабули ҳуҷҷатҳоро эълон намуд
Намояндаи Тоҷикистон дар Форуми ректорони муассисаҳои таҳсилоти олии касбии давлатҳои Осиёи Марказӣ иштирок намуд
Маркази миллии тестӣ барои хатмкунандагони 530 муассисаи таълимӣ имтиҳонҳои озмоишӣ баргузор менамояд
Дар Душанбе Озмуни ҷумҳуриявии «Малакаи касбӣ» ҷамъбаст мешавад
Байни Донишгоҳи давлатии омӯзгории Тоҷикистон ва Донишгоҳи касбии Линий созишномаи ҳамкорӣ ба имзо расид
ҲАВАСМАНД НАМУДАНИ ОМӮЗГОРОН. Дар шаҳри Хоруғ ба 112 муаллим ва табиб замини наздиҳавлигӣ дода мешавад
Хонандагони тоҷик дар Олимпиадаи байналмилалии «ASMOPSS» соҳиби ҷойҳои дуюм ва сеюм гардиданд
Иштирокчиёни Озмуни ҷумҳуриявии «Фурӯғи субҳи доноӣ китоб аст»: «Мақсади мо такмил додани донишу маҳорат аст»
Байни Донишгоҳи давлатии омӯзгории Тоҷикистон ва Донишкадаи иқтисод ва савдои Созмони ҳамкории Шанхай созишномаи ҳамкорӣ ба имзо расид
