Донишгоҳи байналмилалии сайёҳӣ ва соҳибкории Тоҷикистон дар Арабистони Саудӣ намояндагӣ ифтитоҳ менамояд
ДУШАНБЕ, 05.04.2023 /АМИТ «Ховар»/. Байни Донишгоҳи байналмилалии сайёҳӣ ва соҳибкории Тоҷикистон ва ширкати байналмилалии сайёҳии «Kayan Group Co»- и Арабистони Саудӣ созишномаи ҳамкорӣ ба имзо расид, иттилоъ доданд ба АМИТ «Ховар» дар Донишгоҳи мазкур.
Санади ҳамкориро ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода ва раиси Шӯрои директорони ширкати байналмилалии сайёҳии «Kayan Group Co»- и Арабистони Саудӣ Шайх Туркӣ ал-Сайлонӣ ба имзо расониданд.
Ҳамзамон зимни мулоқоти ҷонибҳо масъалаи мубрами омодасозии кадрҳои соҳаҳои сайёҳӣ ва меҳмондорӣ баррасӣ гардид.
Раиси Шӯрои директорони ширкати байналмилалии сайёҳии «Kayan Group Co»- и Арабистони Саудӣ оид ба зарфият ва имконияти сайёҳии Арабистони Саудӣ иттилоъ дода, доир ба норасоии кадрҳо дар ин соҳа ибрози назар намуд. Мавсуф бо назардошти шароити муосири омодасозии кадрҳо, аз ҷумла соҳаи сайёҳӣ пешниҳод намуд, ки теъдоди муайяни довталабон аз Арабистони Саудӣ ба таҳсил дар Донишгоҳи байналмилалии сайёҳӣ ва соҳибкории Тоҷикистон фаро гирифта шаванд.
Ҳамзамон мавсуф ҷиҳати таъсиси Марказ ва ё намояндагии Донишгоҳ дар Арабистони Саудӣ пешниҳод манзур намуд. Дар баробари ин, меҳмонон омодагии худро ҷиҳати ба таҷрибаомӯзӣ фаро гирифтани теъдоди муайяни донишҷӯён (70 нафар) дар меҳмонхонаҳо ва ширкатҳои бонуфузи сайёҳии Арабистони Саудӣ баён доштанд.
Ректори Донишгоҳи байналмилалии сайёҳӣ ва соҳибкории Тоҷикистон дар доираи стратегияву барномаҳои давлатӣ омодасозии кадрҳои соҳаҳои сайёҳӣ ва меҳмондориро муҳим арзёбӣ намуда, аз ҳадафҳои стратегии донишгоҳ дар ин самт ёдовар шуд.
Мавсуф иброз намуд, ки яке аз ҳадафҳои муҳим дар ин самт- омодасозии кадрҳо на танҳо барои мамлакати алоҳида, балки барои доираи васеи кишварҳои хориҷӣ мебошад.
Раиси Шӯрои директорони ширкати байналмилалии сайёҳии «Kayan Group Co»- и Арабистони Саудӣ бо ҳайати ҳамроҳонаш бо пойгоҳи муосири таълимӣ ва озмоишгоҳии омодасозии кадрҳои соҳаҳои сайёҳӣ ва меҳмондории Донишгоҳи байналмилалии сайёҳӣ ва соҳибкории Тоҷикистон шинос гардид.
Меҳмонон ба пойгоҳи моддӣ-техникии раванди таълим ва сатҳу сифати омодасозии кадрҳо дар Донишгоҳ баҳои баланд дода, ҳавасмандии худро ҷиҳати таҳкими ҳамкории муштарак барои омодасозии кадрҳо баён доштанд.
АКС: Донишгоҳи байналмилалии сайёҳӣ ва соҳибкории Тоҷикистон
Оид ба рушди индустриалӣ-аграрии Тоҷикистон конференсия баргузор гардид
Беш аз 15 ҳазор хатмкунанда бо шароити таҳсил дар Донишгоҳи давлатии ҳуқуқ, бизнес ва сиёсати Тоҷикистон шинос шуданд
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
Дар Машҳад имкониятҳои сайёҳии Тоҷикистон муаррифӣ шуданд
Имрӯз даври якуми Озмуни ҷумҳуриявии «Фурӯғи субҳи доноӣ китоб аст» ҷамъбаст мегардад
«Барномаи рушди таълиму тарбияи томактабӣ дар Ҷумҳурии Тоҷикистон барои солҳои 2026-2030» таҳия гардид
Ховалинг – минтақаи сайёҳӣ. Соли 2025 ёдгориҳои таърихиву фарҳангии ноҳияро 73 ҳазору 90 сайёҳ тамошо кардааст
Дар Донишгоҳи давлатии омӯзгории Тоҷикистон ба номи Садриддин Айнӣ оид ба нақши осори Саттор Турсун дар адабиёти муосири тоҷик ҳамоиш баргузор шуд
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Даври якуми бақайдгирии довталабон барои иштирок дар ИМД 2026 оғоз мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
Дар Коллеҷи технологӣ-фарматсевтии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
