Донишгоҳи байналмилалии сайёҳӣ ва соҳибкории Тоҷикистон дар Арабистони Саудӣ намояндагӣ ифтитоҳ менамояд
ДУШАНБЕ, 05.04.2023 /АМИТ «Ховар»/. Байни Донишгоҳи байналмилалии сайёҳӣ ва соҳибкории Тоҷикистон ва ширкати байналмилалии сайёҳии «Kayan Group Co»- и Арабистони Саудӣ созишномаи ҳамкорӣ ба имзо расид, иттилоъ доданд ба АМИТ «Ховар» дар Донишгоҳи мазкур.
Санади ҳамкориро ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода ва раиси Шӯрои директорони ширкати байналмилалии сайёҳии «Kayan Group Co»- и Арабистони Саудӣ Шайх Туркӣ ал-Сайлонӣ ба имзо расониданд.
Ҳамзамон зимни мулоқоти ҷонибҳо масъалаи мубрами омодасозии кадрҳои соҳаҳои сайёҳӣ ва меҳмондорӣ баррасӣ гардид.
Раиси Шӯрои директорони ширкати байналмилалии сайёҳии «Kayan Group Co»- и Арабистони Саудӣ оид ба зарфият ва имконияти сайёҳии Арабистони Саудӣ иттилоъ дода, доир ба норасоии кадрҳо дар ин соҳа ибрози назар намуд. Мавсуф бо назардошти шароити муосири омодасозии кадрҳо, аз ҷумла соҳаи сайёҳӣ пешниҳод намуд, ки теъдоди муайяни довталабон аз Арабистони Саудӣ ба таҳсил дар Донишгоҳи байналмилалии сайёҳӣ ва соҳибкории Тоҷикистон фаро гирифта шаванд.
Ҳамзамон мавсуф ҷиҳати таъсиси Марказ ва ё намояндагии Донишгоҳ дар Арабистони Саудӣ пешниҳод манзур намуд. Дар баробари ин, меҳмонон омодагии худро ҷиҳати ба таҷрибаомӯзӣ фаро гирифтани теъдоди муайяни донишҷӯён (70 нафар) дар меҳмонхонаҳо ва ширкатҳои бонуфузи сайёҳии Арабистони Саудӣ баён доштанд.
Ректори Донишгоҳи байналмилалии сайёҳӣ ва соҳибкории Тоҷикистон дар доираи стратегияву барномаҳои давлатӣ омодасозии кадрҳои соҳаҳои сайёҳӣ ва меҳмондориро муҳим арзёбӣ намуда, аз ҳадафҳои стратегии донишгоҳ дар ин самт ёдовар шуд.
Мавсуф иброз намуд, ки яке аз ҳадафҳои муҳим дар ин самт- омодасозии кадрҳо на танҳо барои мамлакати алоҳида, балки барои доираи васеи кишварҳои хориҷӣ мебошад.
Раиси Шӯрои директорони ширкати байналмилалии сайёҳии «Kayan Group Co»- и Арабистони Саудӣ бо ҳайати ҳамроҳонаш бо пойгоҳи муосири таълимӣ ва озмоишгоҳии омодасозии кадрҳои соҳаҳои сайёҳӣ ва меҳмондории Донишгоҳи байналмилалии сайёҳӣ ва соҳибкории Тоҷикистон шинос гардид.
Меҳмонон ба пойгоҳи моддӣ-техникии раванди таълим ва сатҳу сифати омодасозии кадрҳо дар Донишгоҳ баҳои баланд дода, ҳавасмандии худро ҷиҳати таҳкими ҳамкории муштарак барои омодасозии кадрҳо баён доштанд.
АКС: Донишгоҳи байналмилалии сайёҳӣ ва соҳибкории Тоҷикистон
Дар Донишгоҳи технологии Тоҷикистон масоили инфрасохтори рақамӣ барои ҳукумати электронӣ баррасӣ шуд
Даҳгонаи беҳтарин довталабон дар имтиҳонҳои марказонидаи дохилшавии солҳои 2023-2024 муайян гардиданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
«ФУРӮҒИ СУБҲИ ДОНОӢ КИТОБ АСТ». Волидони ғолибони озмун сазовори нишони «Маърифатпарвар» гардиданд
Намояндагони Тоҷикистон дар конфронси ҷаҳонии рушди таҳсилоти касбӣ дар Чин иштирок намуданд
Байни Донишгоҳи давлатии омӯзгории Тоҷикистон ва Донишгоҳи касбии Заоҷуани Чин созишномаи ҳамкорӣ ба имзо расид
Маркази барномаҳои байналмилалӣ барои таҳсили шаҳрвандони Тоҷикистон дар муассисаҳои таҳсилоти олӣ ва илмӣ дар давлатҳои хориҷӣ қабули ҳуҷҷатҳоро эълон намуд
Намояндаи Тоҷикистон дар Форуми ректорони муассисаҳои таҳсилоти олии касбии давлатҳои Осиёи Марказӣ иштирок намуд
Маркази миллии тестӣ барои хатмкунандагони 530 муассисаи таълимӣ имтиҳонҳои озмоишӣ баргузор менамояд
Дар Душанбе Озмуни ҷумҳуриявии «Малакаи касбӣ» ҷамъбаст мешавад
Байни Донишгоҳи давлатии омӯзгории Тоҷикистон ва Донишгоҳи касбии Линий созишномаи ҳамкорӣ ба имзо расид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
