ФУТБОЛ. Дастаи мунтахаби Тоҷикистон моҳи июн дар мусобиқаи «CAFA Nations Сup 2023» иштирок мекунад
ДУШАНБЕ, 25.04.2023 /АМИТ «Ховар»/. Дастаи мунтахаби Тоҷикистон оид ба футбол таҳти роҳбарии мутахассиси хорватӣ Петр Сегрт дар Мусобиқаи байналмилалии «CAFA Nations Cup 2023», ки аз 11 то 20 июн таҳти сарпарастии Ассотсиатсияи футболи Осиёи Марказӣ баргузор мешавад, иштирок мекунад. Дар ин хусус ба АМИТ «Ховар» дар Федератсияи футболи Тоҷикистон хабар доданд.
24 апрел CAFA расман дастаҳоеро, ки дар нахустин мусобиқаи Ассотсиатсияи футболи Осиёи Марказӣ иштирок мекунанд, эълон намуд. Инҳо дастаҳои мунтахаби миллии Тоҷикистон, Эрон, Узбекистон, Қирғизистон, Туркманистон, Афғонистон ва Уммон мебошанд.
Қуръакашии Мусобиқаи байналмилалии «CAFA Nations Cup 2023» 26 апрел, соати 14:00 ба вақти Душанбе оғоз мегардад.
Аз рӯи натиҷаи қуръакашӣ дастаҳо ба ду гурӯҳ тақсим мешаванд. Бозиҳо дар гурӯҳи «А» бо иштироки чаҳор даста дар шаҳри Тошканд баргузор мешаванд. Бозиҳо дар гурӯҳи «В» бо иштироки се даста дар Бишкек доир мегарданд.
Бар асоси низомномаи мусобиқаи «CAFA Nations Cup 2023» дар марҳилаи гурӯҳӣ бозиҳо аз рӯи системаи даврӣ дар як марҳила доир мешаванд. Сипас, ғолибони гурӯҳҳо дар финал вомехӯранд. Дастаҳое, ки дар гурӯҳҳои худ ҷойи дуюмро мегиранд, барои зинаи сеюм мубориза мебаранд.
Таркиби сабадҳо дар қуръакашии мусобиқаи «CAFA Nations Cup 2023»:
Сабади 1: Эрон, Узбекистон (мизбони гурӯҳ).
Сабади 2: Қирғизистон (мизбони гурӯҳ), ТОҶИКИСТОН.
Сабади 3: Туркманистон, Афғонистон.
Сабади 4: Уммон.
АКС: Федератсияи футболи Тоҷикистон
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
