«ҶОМИ ШАҲРИ ДУШАНБЕ». Бахшида ба Рӯзи пойтахт мусобиқаи кушоди варзишӣ оид ба футболи хурд оғоз ёфт

ДУШАНБЕ,  10.04.2023.  /АМИТ «Ховар»/. Бахшида ба Рӯзи пойтахти Ҷумҳурии Тоҷикистон — шаҳри Душанбе мусобиқаи кушоди варзишӣ оид ба футболи хурд байни наврасони шаҳраку маҳаллаҳои пойтахт барои дарёфти «Ҷоми шаҳри Душанбе» оғоз гардид, ки то 19 апрел дар  майдончаҳои варзишӣ ва бозиҳои кӯдаконаи ноҳияҳои шаҳри Душанбе идома меёбад, хабар доданд ба АМИТ «Ховар» дар шуъбаи иттилоотии дастгоҳи Раиси шаҳри Душанбе

Дар мусобиқаи кушоди варзишӣ 65 дастаи шаҳраку маҳаллаҳои пойтахт ба  8 гурӯҳ тақсим шуда, байни ҳамдигар сабқат мекунанд.

Дар ҷамъбасти мусобиқа ба ғолибон ва ҷоизадорон мукофоти пулӣ ва ба дастаҳои иштирокчии фаъол либоси варзишӣ тақдим карда мешавад.

АКС: Шуъбаи иттилоотии  дастгоҳи Раиси шаҳри Душанбе