Президенти Конфедератсияи футболи Осиё Шайх Салмон бин Иброҳим Ал-Халифа бо сафари корӣ ба Тоҷикистон ташриф овард

ДУШАНБЕ, 28.04.2023 /АМИТ «Ховар»/. Имрӯз, 28 апрел президенти Конфедератсияи футболи Осиё Шайх Салмон бин Иброҳим Ал-Халифа бо сафари корӣ ба Тоҷикистон ташриф овард. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Дар Фурудгоҳи байналмилалии Душанбе ҳайати Конфедератсияи футболи Осиёро роҳбарияти Федератсияи футболи Тоҷикистон пешвоз гирифт.

Шайх Салмон бин Иброҳим Ал-Халифа зимни сафари корӣ бо роҳбарияти Федератсияи футболи Тоҷикистон мулоқоти расмӣ анҷом дода, масъалаҳои рушди футбол дар ҷумҳурирро баррасӣ менамояд.

Илова бар ин, 2 май дар Душанбе Конгресси 8-уми Ассотсиатсияи футболи Осиёи Марказӣ баргузор мешавад, ки дар он президенти ФИФА Ҷанни Инфантино ва президенти Конфедератсияи футболи Осиё Шайх Салмон бин Иброҳим Ал-Халифа иштирок менамоянд.

АКС: Федератсияи футболи Тоҷикистон