РУШДИ САНОАТ. Фабрикаи ресандагии ноҳияи Мастчоҳ бо иқтидори нав ба кор оғоз намуд
ДУШАНБЕ, 05.04.2023. /АМИТ «Ховар»/. Роҳбарияти Ҷамъияти саҳомии пўшидаи «Арвиз Зелал Текстайл»-и ноҳияи Мастчоҳ барои фаъол намудани коргоҳи дуюми ресандагию дӯзандагӣ харидории 50 адад дастгоҳҳои муосирро ба нақша гирифтааст, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Фабрикаи ресандагӣ бо саҳмгузории соҳибкорони тоҷику турк охири соли 2022 дубора ба кор андохта шуд. Ба фабрика таҷҳизоти муосир ворид гардида, истеҳсоли маҳсулот ба роҳ монда шудааст. Ҳоло дар ин фабрикаи бузург 200 нафар фаъолият дошта, дар он 250 ҷойи кории дигар муҳайё гардидааст.
Роҳбарияти вилояти Суғд зимни сафари корӣ ба ноҳияи Мастчоҳ бо раванди истеҳсолот дар фабрикаи мазкур аз наздик шинос гардид.
Раиси вилоят зимни суҳбат бо роҳбарияти ноҳия ва масъулини корхона барои зиёд намудани ҳаҷми истеҳсоли маҳсулот ва дар оянда ба роҳ мондани истеҳсоли маҳсулоти тайёр, ҷалби қувваи корӣ аз ҳисоби занону духтарон -сокинони шаҳраку деҳоти ноҳия тавсияву супоришҳои мушаххас дод.
Таъкид гардид, ки истифодаи иқтидори пурраи корхона барои бо ҷойи корӣ таъмин шудани аҳолӣ мусоидат намуда, ба корхона низ фоидаи хуб меорад ва дар ин зимн ба рушди пахткорӣ дар ноҳияи мазкур такони ҷиддӣ мебахшад.
АКС: Хадамоти матбуоти Раиси вилояти Суғд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
