Тарбиятгирандагони Интернати наздимактабии №26 дар Роштқалъа аз туҳфаҳои Президенти Тоҷикистон бархурдор шуданд
ДУШАНБЕ, 20.04.2023 /АМИТ «Ховар»/. Ба 55 тарбиятгирандаи Интернати наздимактабии №26-и ноҳияи Роштқалъаи Вилояти Мухтори Кӯҳистони Бадахшон низ туҳфаҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастрас карда шуд. Дар ин хусус АМИТ «Ховар» хабар медиҳад.
Тибқи дастури Пешвои миллат барои тарбиятгирандагони муассиса хони идона ташкил гардида, аҳли ҳунари ноҳияи Роштқалъа барои фароғати тарбиятгирандагони интернат барномаи фарҳангӣ манзур намуданд.
Туҳфаҳои Президенти Ҷумҳурии Тоҷикистон муҳтарам Эмомалӣ Раҳмон аз сару либоси мактабӣ, пойафзол ва либоси варзишӣ иборат буда, ба тарбиятгирандагони интернати наздимактабӣ тақдим карда шуд. Гурӯҳи кории Ҳукумати Ҷумҳурии Тоҷикистон ба ҳар тарбиятгиранда туҳфаи Пешвои миллатро супорида, ба онҳо ҳидоятҳои роҳбарияти давлату Ҳукумати мамлакатро бобати соҳибкасб гардидан, таҳсили хуби илм, баҳрабардорӣ аз технологияи замонавӣ, омӯзиши забони давлатӣ ва дӯст доштани Ватан, аҷгузорӣ ба арзишҳои миллӣ таъкид намуд.
Бояд гуфт, ки дар Интернати наздимактабии№ 26-и ноҳияи Роштқалъа 55 нафар ба таълим фаро гирифта шудааст, ки аз он 26 нафар писар ва 29 нафар духтар мебошад. 23 нафари онҳоро ятимон ташкил намуда, аз тамоми шароити барои таълим мувофиқ баҳравар мебошанд. Ҳамзамон 18 тарбиятгиранда аз оилаҳои ниёзманд буда, 3 нафари онҳо дорои имконияти маҳдуди ҷисмонианд. 11 тарбиятгиранда аз ҷамоатҳои деҳоти дурдасти ноҳияи Роштқалъа дар ин боргоҳи дониш ба таълиму тарбия фаро гирифта шудааст.
Дар хобгоҳи интернати мактабӣ 17 нафар зиндагӣ дошта, барои будубоши онҳо шароити зарурӣ фароҳам аст. Хобгоҳи тарбиятгирандагон дар фасли сарди сол бо гармкунакҳои каммасрафи барқӣ таъмин буда, дорои ошхона аст, ки тарбиятгирандагонро бо 3 вақт ғизои гарм таъмин менамояд.
Гурӯҳи кории Ҳукумати Ҷумҳурии Тоҷикистон бо ҳар тарбиятгирандаи интернат суҳбати самимӣ доир намуда, таъкид намуданд, ки ҳар яки онҳо таҳти таваҷҷуҳи ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад.
АКС: АМИТ «Ховар»
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
