Туҳфаҳои Пешвои миллат ба таълимгирандагони Мактаб-интернати ноҳияи Кӯҳистони Мастчоҳ расонида шуд
ДУШАНБЕ, 20.04.2023 /АМИТ «Ховар»/. Туҳфаҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба таълимгирандагони Мактаб-интернати ноҳияи Кӯҳистони Мастчоҳ муовини Сарвазири мамлакат Матлубахон Сатториён расонид. Дар ин хусус ба АМИТ «Ховар» аз мақомоти иҷроияи ҳокимияти давлатии ноҳия иттилоъ дод.
Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҳайати Ҳукумати Ҷумҳурии Тоҷикистон дар ноҳияи Кӯҳистони Мастчоҳ нахуст ба муассисаи таълимии Мактаб- интернати ноҳия, воқеъ дар шаҳраки Меҳрон ташриф оварда, бо шароити буду бош ва таълиму тарбия дар он шинос шуданд.
Муовини Сарвазири мамлакат ба таълимгирандагони мактаб-интернати ноҳия гуфт, ки «Ҳукумати Ҷумҳурии Тоҷикистон таҳти сиёсати башардӯстонаи Пешвои миллат муҳтарам Эмомалӣ Раҳмон ҷиҳати дастгирӣ ва таълиму тарбияи насли наврас тамоми тадбирҳои заруриро амалӣ менамояд. Дар баробари ин ғамхорӣ ба насли наврас, бахусус ятимону бепарасторон ва фарзандони оилаҳои камбизоат дар мадди назари Ҳукумати мамлакат қарор дошта, дар арафаи ҳар иду ҷашн аз ҷониби Пешвои миллат онҳо ба ғамхорӣ фаро гирифта мешаванд».
Ҳамчунин мавсуф таъкид кард, ки давлат ва Ҳукумати Ҷумҳурии Тоҷикистон барои таълиму тарбия тамоми шароитро муҳайё кардааст. Дар ин замина вазифаи шумо танҳо бо баҳои хубу аъло хондан мебошад.
Сипас туҳфаҳои Пешвои миллат иборат аз сарулибоси мактабию варзишӣ, инчунин шириниҳои идона ба тарбиятгирандагон тақдим карда шуд.
Ҳамчунин муовини Сарвазири Тоҷикистон Матлубахон Сатториён бо омӯзгорони муассиса суҳбат карда, таъкид дошт, ки бо истифода аз имконоти фароҳамоварда барои баланд бардоштани сатҳи дониши тарбиятгарандагон, омӯзиши фанҳои дақиқ, забонҳои хориҷӣ, инчунин дар руҳияи худогоҳиву худшиносӣ ва ҳувияти миллӣ, ватандӯстиву ватанпарастӣ тарбия намудани наврасону ҷавонон аҳамияти аввалиндараҷа зоҳир намоянд.
Тарбиятгирандагони ин муассиса аз чунин дастгириву ғамхориҳои падаронаи Пешвои миллат муҳтарам Эмомалӣ Раҳмон хушҳол шуда, изҳори миннатдорӣ намуданд.
Ёдовар мешавем, ки мактаб-интернат дар ноҳияи Кӯҳистони Мастчоҳ ягона буда, аз соли 2008 инҷониб фаъолият мекунад. Аллакай шогирдони ин боргоҳи маърифат пас аз хатм дар мактабҳои олии мамлакат таҳсил кардаву қисме дар идораҳои гуногуни давлатӣ фаъолият доранд.
Шароит барои таълиму тарбия ва буду бош дар ин муассиса фароҳам буда, айни ҳол 42 хонанда, аз қабили ятимону бепарасторон ва кӯдакон аз оилаҳои камбизоат ба таълим фаро гирифта шудааст.
АКС: Мақомоти иҷроияи ҳокимияти давлатии оҳияи Кӯҳистони Мастчоҳ
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
