Дар Душанбе дурнамои рушди ҳамкории илмию техникӣ байни муассисаҳои илмии Тоҷикистон ва Туркманистон баррасӣ шуд
ДУШАНБЕ, 08.05.2023. /АМИТ «Ховар»/. Имрӯз, 8 май дар шаҳри Душанбе бо иштироки олимону муҳаққиқон аз муассисаҳои илмӣ-таҳқиқотии Академияи миллии илмҳои Тоҷикистон ва Академияи илмҳои Туркманистон мизи мудаввар дар мавзӯи «Рушди ҳамкории илмию техникӣ байни муассисаҳои илмии Тоҷикистон ва Туркманистон: мушкилот ва дурнамо» баргузор гардид. Дар ин хусус ба АМИТ «Ховар» дар Академияи миллии илмҳои Тоҷикистон хабар доданд.
Президенти Академияи миллии илмҳои Тоҷикистон, академик Фарҳод Раҳимӣ ба кори чорабинӣ ҳусни оғоз бахшида, дар робита ба тамоюл ва дурнамои рушди ҳамкории илмию техникии Тоҷикистон ва Туркманистон дар соҳаҳои илмии мавриди таваҷҷуҳи тарафайн изҳори андеша намуд ва роҷеъ ба самтҳои асосии фаъолияти Академия ва дастовардҳои илми тоҷик маълумоти мухтасар дод.
Президенти Академияи илмҳои Туркманистон Аллаберди Аширов, ки ҳайати олимони туркманистониро роҳбарӣ мекард, зимни сухани ифтитоҳӣ вобаста ба вазъ ва дурнамои рушди ҳамкории илмию техникии Туркманистон ва Тоҷикистон дар соҳаҳои илмии мавриди таваҷҷуҳи тарафайн изҳори назар намуд.
Роҳбарияти муассиаҳои таҳсилоти олии Тоҷикистону Туркманистон, директорони муассисаҳои илмӣ-таҳқиқотӣ Академияи миллии илмҳои Тоҷикистон ва Академияи илмҳои Туркманистон ва олимону муҳаққиқон аз ҳар ду ҷониб суханронӣ намуда, вобаста ба фаъолият, дастовардҳо, вазъу дурнамо, ҳалли мушкилоти мавҷудаи соҳа ва таҳкиму густариши ҳамкории дуҷониба табодули андеша намуданд.
Чорабинии мазкур бо иштироки меҳмонон ва олимону муҳаққиқони варзидаи ҳарду давлат дар сатҳи баланди ташкилӣ, руҳияи созанда ва ҳусни тафоҳум баргузор гардида, олимони туркманистонӣ ҷиҳати тавсеа ва густариши ҳамкории илмӣ бо ҳамтоёни тоҷики хеш изҳори омодагӣ намуданд.
Дар интиҳои чорабинӣ роҳбарияти Академияи миллии илмҳои Тоҷикистон олимону коршиносони туркманистониро барои боздид аз муасиссаҳои илмӣ-таҳқиқотии Академияи миллии илмҳои Тоҷикистон ва аз наздик ошноӣ пайдо намудан бо самтҳои фаҳолият ва дастовардҳои ин муассисаҳо ба шаҳраки академӣ, ки аксари кулли институтҳои илмӣ-таҳқиқотии Академия дар он ҷо ҷойгир мебошанд, даъват намуд.
АКС: Академияи миллии илмҳои Тоҷикистон
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Дар Тоҷикистон Озмоишгоҳи минтақавии яхшиносӣ таъсис дода шавад»
Иштирокдорони Конфронси байналмилалии сатҳи баланд оид ба ҳифзи пиряхҳо Қалъаи бостонии Ҳисорро тамошо намуданд
