Дар Душанбе Форуми соҳибкории Тоҷикистону Туркманистон доир шуд
ДУШАНБЕ, 08.05.2023 /АМИТ «Ховар»/. Имрӯз дар Душанбе дар ҳошияи сафари давлатии Президенти Туркманистон ба Тоҷикистон Форуми соҳибкории Тоҷикистону Туркманистон баргузор гардид, хабар медиҳад АМИТ «Ховар».
Форумро бо сухани ифтитоҳи муовини Сарвазири Ҷумҳурии Тоҷикистон Усмоналӣ Усмонзода ва муовини Раиси девони вазирони Туркманистон Ботир Атдаев оғоз намуданд.
Зимни суханронии худ муовини Сарвазири мамлакат Усмоналӣ Усмонзода изҳор дошт, ки ҳамкории дуҷонибаи Тоҷикистон ва Туркманистон бо кӯшишхои тарафайн рушд намуда, дар натиҷаи сафарҳои мутақобила пайваста ҳамкории гуногунҷанбаи байни ду давлат ба сатҳи баланди тараққиёт расидааст.
«Баргузории чунин чорабиниҳо ба рушди ҳамкории иқтисодиву тиҷоратӣ, инчунин баланд бардоштани неруи содиротӣ, ҷалби сармояву технологияҳои муосир ва тақвияти ҳамкории дуҷонибаи иқтисодиву сармоягузорӣ мусоидат менамояд», — тазаккур дод ӯ.
Ҳамзамон иттилоъ дода шуд, ки ҳаҷми гардиши савдои хориҷӣ бо Туркманистон соли 2022 52,9 миллион долларро ташкил дода, нисбат ба соли 2021 30,7 миллион доллар ё 2,3 баробар зиёд шудааст.
Дар Форуми мазкур беш аз 250 нафар аз ҳарду ҷониб, аз ҷумла роҳбарон ва масъулини вазорату идораҳо, соҳибкорону сармоягузорон ва намояндагони ширкату корхонаҳои соҳаҳои гуногуни фаъолияти хоҷагидории Тоҷикистону Туркманистон дар соҳаҳои афзалиятнок иштирок намуданд.
Дар доираи Форум ба иштирокчиён фазо ва имкониятҳои сармоягузорӣ дар соҳаҳои саноат, энергетика, хизматрасонӣ, кишоварзӣ, логистика, нақлиёт ва комуникатсия муаррифӣ карда шуд.
Дар фарҷоми Форум вохӯрии дуҷонибаи соҳибкорони ду давлат дар шакли «Соҳибкор бо соҳибкор» (B2B) баргузор гардида, аз рӯйи натиҷаҳои он санадҳои нави ҳамкорӣ ба имзо расонида шуд.
Иштирокчиёни Форуми соҳибкории Тоҷикистону Туркманистон ба рушди муносибатҳои дуҷониба ва баимзорасонии созишномаю шартномаҳои мутақобилан судманд, ки фарогири ҳама соҳаҳои ҳамкории иқтисодӣ мебошанд, баҳои баланд дода, ба мувофиқа расиданд, ки чунин ҳамоишҳои соҳибкоронро мунтазам баргузор хоҳанд намуд.
АКС: АМИТ «Ховар»
Зернизоми Декларатсияи вуруд ва хуруҷи воситаҳои нақлиёти низоми иттилоотии Хадамоти гумрук -«АСИКУДА-и ҷаҳонӣ» фаъол карда шуд
Байни Душанбе ва Пекин парвозҳои мустақим ифтитоҳ гардиданд
Намояндаи Тоҷикистон дар Форуми ҳамкории индустриалӣ ва сармоягузории «Чин – Осиёи Марказӣ» иштирок намуд
То анҷоми соли 2025 дар Минтақаи озоди иқтисодии «Данғара» корхонаҳои нав ба фаъолият оғоз менамоянд
Натиҷаҳои Конфронси байналмилалии сатҳи баланд оид ба ҳифзи пиряхҳо дар Брюссел муаррифӣ карда шуд
Форуми сармоягузории Тоҷикистон ва Қирғизистон баргузор мегардад
Дар Душанбе самтҳои муҳими ҳамкории Тоҷикистон ва Чин дар соҳаи моликияти зеҳнӣ баррасӣ шуд
Гармхонаҳои инноватсионии шаҳри Леваканд фаъолияти босамар доранд
Намояндаи Тоҷикистон дар ҷаласаи Комиссияи панаврупоии СҶТ оид ба иқлим ва тандурустӣ иштирок намуд
Шуруъ аз 16 июн байни шаҳрҳои Душанбе ва Пекин парвозҳои мустақим анҷом дода мешаванд
Дар Хуҷанд Форуми байналмилалии «Имкониятҳои тиҷоратӣ, сармоягузорӣ ва дурнамои ҳамкорӣ» баргузор гардид
Дар Душанбе вобаста ба таҳия намудани санади Гурӯҳбандии лоиҳаҳои «сабз» ҷаласаи Гуруҳи корӣ доир шуд
