Дар Вазорати нақлиёти Тоҷикистон лоиҳаи «БРАМОМ-4» бо ҳайати Бонки ҷаҳонӣ баррасӣ гардид
ДУШАНБЕ, 24.05.2023 /АМИТ «Ховар»/. Масъалаҳои марбут ба ҷараёни корҳои сохтмонӣ дар доираи лоиҳаи «Беҳтар намудани роҳҳои алоқаи минтақавӣ дар Осиёи Марказӣ /«БРАМОМ-4»/, махсусан таҷдиди роҳи Гулистон-Кӯлоб дар вилояти Хатлон, сохтмони пулҳо дар Вилояти Мухтори Кӯҳистони Бадахшон ва таҷдиди 4 қитъаи роҳи вилояти Суғд зимни мулоқоти Вазири нақлиёти Тоҷикистон Азим Иброҳим бо ҳайати Бонки ҷаҳонӣ таҳти роҳбарии Муҳаммад Зулфиқор Аҳмад дар Душанбе мавриди баррасӣ қарор гирифт.
Ба АМИТ «Ховар» дар Вазорати нақлиёти ҷумҳурӣ иттилоъ доданд, ки Азим Иброҳим аз ҳамкории Бонки ҷаҳонӣ бо Тоҷикистон, бахусус дар соҳаи нақлиёт ёдовар шуда, изҳори итминон намуд, ки лоиҳаи «БРАМОМ-4» бо сифати баланд ва дар муҳлати муқарраршуда амалӣ мегардад.
Вазири нақлиёти мамлакат инчунин дар бораи таъсиси Маркази рақамикунонии соҳаи нақлиёт иттилоъ дода, моҳияти гузаштан ба сохти рақамикунониро дар пешрафти кори соҳа ба таври мушаххас баён дошт ва аз намояндагии Бонки ҷаҳонӣ хоҳиш намуд, ки барои гирифтани кумаки техникӣ мусоидат намояд.
Муҳаммад Зулфиқор Аҳмад гуфт, ки барои Тоҷикистон ҳоло масъалаи сармоягузории лоиҳаҳо дар соҳаҳои нақлиёт ва энергетика бисёр муҳим аст. Аз ин лиҳоз, бино ба суханони ӯ, бояд зарурати татбиқи лоиҳаҳои вобаста ба нақлиёт ва роҳҳои мамлакат возеҳ нишон дода, ҳамкории минбаъда дар ин самт густариш дода шавад.
Ҳайати Бонки ҷаҳонӣ то 30 май бо мақсади шиносоӣ бо ҷараёни корҳо дар татбиқи марҳилаи чоруми лоиҳаи «Беҳтар намудани роҳҳои алоқаи минтақавӣ дар Осиёи Марказӣ (БРАМОМ-4)» бо намояндагони Вазорати нақлиёт, аз ҷумла Гурӯҳи татбиқи лоиҳаи вазорат якчанд мулоқот доир мекунад. То охири ҳафта гурӯҳи корӣ барои шиносоӣ бо ҷараёни корҳои сохтмонӣ дар қитъаҳои роҳ ба вилояти Суғд сафар хоҳад кард.
Мавриди тазаккур аст, ки дарозии роҳи Гулистон – Кӯлоб 32,5 километр буда, таҷдиду навсозии онро Президенти Ҷумҳурии Тоҷикистон муҳтарам Эмомалӣ Раҳмон яке аз лоиҳаҳои муҳим дар соҳаи нақлиёт арзёбӣ намуданд. Он соли 2023 амалӣ хоҳад гардид.
Дар доираи лоиҳаи «БРАМОМ-4» инчунин дар Вилояти Мухтори Кӯҳистони Бадахшон сохтмони пул аз болои дарёи Ғунд, воқеъ дар хиёбони Шириншоҳ Шоҳтемури шаҳри Хоруғ бо дарозии 200 метр ва сохтмони роҳҳои ба он пайваст бо дарозии 1,1 км, бунёди роҳи автомобилгард дар мавзеи Барсеми ноҳияи Шуғнон бо дарозии 3,4 км бо назардошти сохтмони ду долони зиддитармавӣ бо дарозии умумии 840 метр (290м+550 м) ва сохтмони як пул бо дарозии 82,3 метр пешбинӣ шудааст.
Инчунин дар ҳудуди вилояти Суғд навсозӣ ва таҷдиди қитъаҳои роҳҳои автомобилгард бо дарозии умумии 51,2 км, аз ҷумла таҷдиди қитъаи «Куруш – Бекобод» бо дарозии — 12,3 км, таҷдиди қитъаи роҳи «Деҳмой – Б.Ғафуров» бо дарозии — 22,0 км, навсозии қитъаи роҳи «Б.Ғафуров – Хистеварз» бо дарозии 6,6 км, навсозии қитъаи «Конибодом – Кучкак» бо дарозии 10,3 км ба нақша гирифта шудааст.
АКС: Вазорати нақлиёти Ҷумҳурии Тоҷикистон








Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад






