Дастаи «Равшан» дар бозии даври 12-уми чемпионати Тоҷикистон оид ба футбол ғолиб гардид
ДУШАНБЕ, 29.05.2023 /АМИТ «Ховар»/. Шоми дирӯз дар доираи бозиҳои охир ва марказии даври 12-уми чемпионати Тоҷикистон дастаҳои футболи «Истиқлол»-и шаҳри Душанбе ва «Равшан»-и шаҳри Кӯлоб бо ҳам рақобат намуданд. Дар ин хусус шореҳи варзиши АМИТ «Ховар» хабар медиҳад.
Вохӯрии дастаҳо дар Варзишгоҳи марказии шаҳри Душанбе дар ҳузури 6 200 мухлис доир шуда, бо ҳисоби 2 бар 1 ба фоидаи дастаи футболи «Равшан»-и шаҳри Кӯлоб анҷом ёфт.
Амирҷон Сафаров, ки дар бозӣ барои Суперҷоми Тоҷикистон ба дарвозаи дастаи футболи «Истиқлол»-и шаҳри Душанбе гол зада буд, дар ин вохӯрии ҳам нахустин шуда, тӯбро вориди дарвозаи Рустам Ятимов намуд. Бо гузашти 2 дақиқа Фатҳулло Олимзода голи дуюми дастаи футболи «Равшан»-и шаҳри Кӯлобро ба нишон расонид.
Пас аз 2 дақиқа Шервонӣ Мабатшоев аз ирсоли головари Алишер Ҷалилов истифода намуда, ҳисоби бозиро 1 бар 2 кард.
Хотиррасон мешавем, ки бо ин ғалаба дастпарварони Тоир Муминов бо касби 20 имтиёз ба зинаи 2-юми ҷадвали мусобиқот баромаданд. Ин ғалабаи 3-юми футболбозони шаҳри Кӯлоб ба муқобили дастаи футболи «Истиқлол»-и шаҳри Душанбе дар мавсими имсола мебошад. Пас аз бохт дастаи «Истиқлол»-и шаҳри Душанбе бо 23 имтиёз дар садри ҷадвали мусобиқот боқӣ монд.
Натиҷаҳои бозиҳои даври 12-уми чемпионати Тоҷикистон байни дастаҳои Лигаи олӣ:
«Эсхата» – «Ҳосилот» – 2:1
«Регар-ТадАЗ» – «Файзканд» – 0:0
«Хуҷанд» – «Кӯктош» – 1:2
«Хатлон» – КМВА – 0:3
«Истиқлол» – «Равшан» – 1:2
АКС: Федератсияи футболи Тоҷикистон
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
