«РӮЗГОРИ ИБРАТБАХШИ УМАРИ ХАЙЁМ». Хонандагони Хуҷанд ва Оренбург аз рӯзгори шоир ва риёзидони барҷастаи тоҷик ёд намуданд
ДУШАНБЕ, 07.05.2023. /АМИТ «Ховар»/. Дар Гимназияи ба номи Гётеи шаҳри Хуҷанди Ҷумҳурии Тоҷикистон дар якҷоягӣ бо муассисаи таҳсилоти ҳамагонии «Мактаби Экодолия»-и вилояти Оренбурги Федератсияи Русия таҳти унвони «Рӯзгори ибратбахши Умари Хайём» барномаи муштараки онлайнӣ баргузор гардид. Дар ин хусус ба АМИТ «Ховар» дар хадамоти матбуоти Раиси шаҳри Хуҷанд иттилоъ доданд.
Мавзуи меҳварии нишасти маҷозӣ ба 975-солагии ҳаёт, эҷодиёт ва фаъолияти яке аз чеҳраҳои калидии мероси фарҳангии Ҷумҳурии Тоҷикистон, файласуф, шоир, риёзидон, астроном Умари Хайём бахшида шуд.
Дар конференсияи маҷозӣ директори Муассисаи таҳсилоти миёнаи умумии «Мактаби Экодолия»-и вилояти Оренбург Галина Николаенко, сардори шуъбаи иҷтимоии вилояти Оренбург Елена Кишкина, консул-мушовири консулгарии генералии Русия дар шаҳри Хуҷанд Максим Кобзар, муовини консули Консулгарии генералии Русия дар шаҳри Хуҷанд Никита Уточкин, котиби матбуоти «Хонаи русҳо дар шаҳри Хуҷанд» Юлия Вареха, директори маркази технологияҳои иттилоотии шуъбаи маорифи шаҳри Хуҷанд Дилором Солиева, омӯзгори лоиҳаи «Муаллими русӣ дар хориҷа» Фарида Ҳасанова ва хонандагону омўзгорони Гимназияи Гётеи шаҳри Хуҷанд фаъолона ширкат варзиданд.
Хонандагони Гимназияи ба номи Гётеи шаҳри Хуҷанд дар бораи осор ва бозёфтҳои илмии шоир ва риёзидон Умари Хайём маълумот дода, саҳнаҳои ҷолибро аз зиндагиномаи шоир пешкаши ҳозирин намуданд. Ҳамзамон зери садои оҳангҳои миллӣ рубоиёти Умари Хайёмро чун ашъори ибратбахшу таъсирбахш қироат карданд.
Муҳассилини «Мактаби Экодолия»-и вилояти Оренбург низ рубоиёти маъруфи Умари Хайёмро замзама намуда, онро шарҳ доданд. Бо далелҳои ҷолиб таъкид доштанд, ки Умари Хайём файласуф ва шоири тавонои замони худ буд, ки ифтихори миллати куҳанбунёди тоҷик мебошад.
Ширкаткунандагони барномаи маҷозӣ нақшу баргузории чунин нишастҳоро баҳри муаррифии нобиғаҳои миллати тоҷик, муаррифии донишу хирад ва омӯзиши зиндагиномаи онҳо ва рушди муносибати халқҳои тоҷику русро дар ин самт муҳим арзёбӣ карданд.
Гуфта шуд, ки бо мақсади тавсеаи ҷаҳонбинии хонандагон ва омӯзгорон чунин нишастҳои онлайнӣ байни ду муассисаи пешрафта бештар гузаронида шавад.
АКС: Хадамоти матбуоти Раиси шаҳри Хуҷанд
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
Дар Донишгоҳи миллии Тоҷикистон маҷаллаи нави илмии байналмилалӣ «Дипломатияи тоҷик» таъсис ёфт
