Антанелла Бассани: «Бонки ҷаҳонӣ дар оянда низ ҳавасманди ҳамкорӣ бо Тоҷикистон мебошад»
ДУШАНБЕ, 05.06.2023 /АМИТ «Ховар»/. «Ҷониби Бонки ҷаҳонӣ дар оянда барои таҳкими ҳамкорӣ бо Ҷумҳурии Тоҷикистон омода мебошад», — гуфт пас аз мулоқот бо Президенти Ҷумҳурии Тоҷикистон муҳтарам Эмомалӣ Раҳмон Ноиби Президенти Бонки ҷаҳонӣ оид ба Аврупо ва Осиёи Марказӣ Антанелла Бассани, хабар медиҳад АМИТ «Ховар».
Антанелла Бассани изҳор дошт, ки пас аз таъйин гардидан ба вазифаи Ноиби Президенти Бонки ҷаҳонӣ оид ба Аврупо ва Осиёи Марказӣ бори аввал ба Тоҷикистон сафар намудааст ва он дар доираи як чорабинии таърихӣ — 30-солагии муносибатҳои шарикии байни Ҳукумати Ҷумҳурии Тоҷикистон ва Бонки ҷаҳонӣ баргузор гардида истодааст.
«Ҳоло мо 26 лоиҳаро ба маблағи 1,6 миллиард доллари амрикоӣ амалӣ намуда истодаем», — тазаккур дод ӯ.
Дар идома Антанелла Бассани таъкид намуд, ки бо Президенти Ҷумҳурии Тоҷикистон муҳтарам Эмомалӣ Раҳмон мулоқоти судманд анҷом дод, ки дар рафти он оид ба ҳамкории пурмаҳсул суҳбатҳои муфид доир шуд.
Ба гуфтаи Ноиби Президенти Бонки ҷаҳонӣ оид ба Аврупо ва Осиёи Марказӣ Антанелла Бассани, ҳамкории Бонки ҷаҳонӣ бо Ҷумҳурии Тоҷикистон дар соҳаҳои энергетика, обтаъминкунӣ, рушди инсонӣ, тараққиёти иқтисодии ҷумҳурӣ, ки барои беҳбудӣ ва таъмини зиндагии шоистаи мардуми Тоҷикистон равона гардидааст, ба роҳ монда шудааст.
«Дар мулоқот ҷониби Бонки ҷаҳонӣ омодагии худро оид ба дар оянда низ дастгирӣ намудани Ҷумҳурии Тоҷикистон изҳор намуд. Боварӣ дорам, ки ин ҳамкорӣ барои рушди Тоҷикистон то соли 2030 мусоидат менамояд», — гуфт дар анҷом ӯ.
АКС: Хадамоти матбуоти Президенти Ҷумҳурии Тоҷикистон / АМИТ «Ховар»
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
