Байни Тоҷикистон ва Корея имконияти зиёди ҳамкорӣ мавҷуд буда, истифодаи самараноки он ба манфиати ҳар ду давлат аст
ДУШАНБЕ, 19.06.2023. /АМИТ «Ховар»/. Имконияти иқтисодӣ ва фазои сармоягузории Ҷумҳурии Тоҷикистон имрӯз дар шаҳри Душанбе дар доираи баргузории Форуми сармоягузории Тоҷикистону Корея бо доираҳои соҳибкорию сармоягузории Корея муаррифӣ гардид.
Хабарнигори АМИТ «Ховар» иттилоъ медиҳад, ки Форум бо ибтикори Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар ҳамкорӣ бо Сафорати Ҷумҳурии Корея дар Ҷумҳурии Тоҷикистон созмон дода шуда, дар он беш аз 150 нафар соҳибкорону сармоягузорони Тоҷикистон ва Корея иштирок намуданд.
«Ҷалби сармоягузорон ва соҳибкорони Корея ба иқтисоди Тоҷикистон, тақвияти ҳамкорӣ дар соҳаҳои афзалиятноки иқтисодӣ, муаррифии фазо ва имкониятҳоии сармоягузории Тоҷикистон, густариши равобити тиҷоратӣ байни ду давлат ва ба роҳ мондани ҳамкории мустақим байни бахши хусусӣ, таъсиси корхонаҳои истеҳсолӣ ва саноатии Тоҷикистон ва Корея аз ҳадафҳои асосии Форум мебошад», — гуфт дар маросими ифтитоҳи Форум раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода.
Мавсуф афзуд, ки ҳамкорӣ байни ду давлат дар соҳаҳои гуногуни иқтисодӣ беш аз пеш густариш меёбад, таъсиси корхонаҳои муштараки саноатӣ дар шаҳрҳои Душанбе ва Бохтар гувоҳи ин гуфтаҳо мебошад.
Таъкид шуд, ки байни Тоҷикистон ва Корея то ҳанӯз имкониятҳои бузурги истифоданошуда хеле зиёд аст ва дар оянда самаранок истифода намудани иқтидорҳои мавҷуда ба манфиати ҳар ду давлат хоҳад буд.
Дар Форум инчунин доир ба тақвияти ҳамкории иқтисодию тиҷоратӣ, роҳҳои тавсеаи ҳамкорӣ дар соҳаҳои саноат, энергетика, сайёҳӣ, ҷалби сармоя ва рушди соҳикборӣ, таъсиси корхонаҳои муштараким саноатӣ ибрози назар карпда шуд.
Ба доираҳои соҳибкорию тиҷоратии Тоҷикистон ва Корея фазо ва имкониятҳои сармоягузорӣ Тоҷикистон дар соҳаҳои афзалиянок, аз ҷумла, саноат, энергетика, бонкдорӣ, сайёҳӣ муаррифӣ гардид.
Дар доираи Форум вохӯрии дуҷониба дар сиғаи соҳибкор бо соҳибкор (B2B) баргузор шуда, байни доираҳои сармоягузорию соҳибкории Тоҷикистон ва Корея санадҳои ҳамкорӣ ба имзо расид.
Интизор меравад, ки ҳайати соҳибкорону сармоягузорони Ҷумҳурии Корея дар ҳошияи Форум аз корхонаҳои истеҳсолӣ ва минтақаҳои саноатии Тоҷикистон дидан намояд.
Марзия САИДЗОДА,
Тоҳирҷон САИД (АКС)
АМИТ «Ховар»
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
