Дар Бохтар масъалаи бунёди корхонаҳои саноатӣ дар вилояти Хатлон бо ҷалби сармояи Чин баррасӣ шуд
ДУШАНБЕ, 15.06.2023 /АМИТ «Ховар»/. Масъалаи бунёди корхонаҳои саноатӣ дар вилояти Хатлон бо ҷалби сармояи Чин 14 июн дар мулоқоти Раиси вилоят Давлаталӣ Саид бо гурӯҳи соҳибкорон ва сармоягузорони Ҷумҳурии Мардумии Чин баррасӣ гардид.
Тавре ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд, ҳадафи асосии ин вохӯрӣ бунёди корхонаҳои саноатӣ дар миқёси вилоят дар доираи ҳамкории судманд ва амалӣ гардонидани ҳадафи чоруми Ҳукумати ҷумҳурӣ — саноатикунонии босуръати мамлакат мебошад.
Иттилоъ дода шуд, ки Хатлон яке аз калонтарин вилоятҳо дар Тоҷикистон ба ҳисоб рафта, 36 дарсади аҳолии ҷумҳуриро ташкил медиҳад ва 60 дарсади маҳсулоти кишоварзӣ дар вилоят истеҳсол мегардад.
Таъкид гардид, ки Кумитаи давлатии сармоягузорӣ ва идораи амволи давлатӣ барои ҳамкории судманд тибқи супориши Ҳукумати ҷумҳурӣ дар масъалаи ҳамкорӣ бо соҳибкорон ва сармоягузорони Ҷумҳурии Мардумии Чин корбарӣ менамояд.
Дар вилоят корхонаҳои саноатии истеҳсоли сементи хушсифат ва сафолакҳои ороишӣ фаъолият дошта, дар таъмини шаҳрвандон бо ҷойи кори холӣ мусоидат менамоянд.
Соҳибкорон ва сармоягузорони Ҷумҳурии Мардумии Чин оид ба бунёди корхонаи коркарди пусту пашм ва меваю сабзавот ибрози назар намуд.
Дар рафти вохӯрӣ ҷиҳати таҳрезӣ намудани нақшаи бунёди корхонаҳои саноатӣ дар вилояти Хатлон андешаҳо баён гардид.
АКС: АМИТ «Ховар»/Мақомоти иҷроияи ҳокимияти давлатии вилояти Хатлон
Имрӯз дар Тоҷикистон чангу ғубор ба амал меояд
Форуми байналмилалии ҳамкорӣ ба хотири рушди устувор Тоҷикистонро чун давлати дорои иқтисоди сабз ва рақамӣ муаррифӣ менамояд
«МегаФон Life»: чӣ тавр аз Русия метавон бо манфиат занг зад
«ТОҶИКОНА МЕПӮШЕМ!». Занону духтарони шаҳри Турсунзода тарғибгари либоси миллӣ мебошанд
Имрӯз дар водиҳои Тоҷикистон ҳаво то 31 дараҷа гарм мешавад
Дар соҳили дарёи Чангоб ҳашари экологии «Тозагии соҳил – 2026» гузаронида шуд
Имрӯз дар Душанбе ҳаво то 24 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
«ТОҶИКОНА МЕПӮШЕМ!». Донишҷӯён ва кормандони Академияи идоракунии давлатӣ фарҳанги либоспӯшии миллиро тарғиб менамоянд
Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
КИРМАКПАРВАРӢ. Сокини ноҳияи Ҷайҳун ҳамасола аз 100 то 110 килограмм пилла месупорад
