«КОРВОНИ ЗИДДИМУХАДДИРОТӢ-2023». Дар Бохтар оид ба роҳҳои пешгирӣ аз нашъамандию кирдорҳои номатлуб чорабинӣ баргузор шуд

Июнь 11, 2023 11:22

ДУШАНБЕ, 11.06.2023. /АМИТ «Ховар»/. 9 июн дар Театри мусиқӣ – мазҳакавии ба номи Ато Муҳаммадҷонови шаҳри Бохтар чорабинии муштараки фарҳангию фароғати ва варзишӣ таҳти унвони «Корвони зиддимухаддиротӣ – 2023» зери шиори «Ҷавонон бар зидди маводи нашъаовар» баргузор гардид. Дар ин хусус ба АМИТ «Ховар» дар Агентии назорати маводи нашъаовари назди Президенти Ҷумҳурии Тоҷикистон хабар доданд.

Таъкид гардид, ки баргузории чунин чорабинии дорои хусусияти пешгирикунанда бисёр муҳим буда, дар огоҳонидани насли наврасу ҷавон аз оқибатҳои фоҷиабори нашъамандию нашъаҷаллобӣ нақши калон дорад.

Дар идомаи чорабинӣ оид ба мақсадҳои чорабинӣ, саломатии ҷомеа, аҳамияти варзиш ба саломатӣ, таҳкими дӯстию рафоқат изҳори андеша карда шуда, ҳамоҳангии фаъолияти мақомоти ҳифзи ҳуқуқ, вазорату идораҳо ва ҷомеаи шаҳрвандиро дар пешгирӣ ва паҳншавии маводи нашъаовар, бахусус сӯиистеъмоли он, муҳим арзёбӣ гардид.

Инчунин тазаккур дода шуд, ки новобаста аз он, ки дар Тоҷикистон сатҳи мубтало гардидан ба нашъамандӣ солҳои охир рӯ ба камшавӣ дорад, бояд бо ҷавонону наврасон оид ба роҳҳои пешгирӣ ва дурӣ ҷустан аз нашъамандию дигар амалу кирдори номатлуб пайваста корҳои фаҳмондадиҳию тарбиявӣ бурда шавад.

Тибқи нақшаи чорабинӣ, даври ниҳоии мусобиқаҳои варзишӣ оид ба волейбол байни ҷавонону наврасони муассисаҳои таҳсилотии шаҳри Бохтар ҷамъбаст гардида, ғолибони он муайян карда шуданд.

Ғолибон, бозигарони беҳтарин, мураббиёни мусобиқаи варзишӣ, инчунин, нафароне, ки барои дар сатҳи баланд доир гаштани ин чорабинии муштарак саҳм гузоштанд, бо мукофотҳо, аз қабили ҷом, медалу ифтихорномаҳо ва туҳфаҳои хотиравӣ қадрдонӣ гардиданд.

Корвони мазкур тибқи нақша, дар шаҳрҳои Турсунзода, Хуҷанд ва Душанбе идома меёбад.

АКС: Агентии назорати маводи нашъаовари назди Президенти Ҷумҳурии Тоҷикистон

Июнь 11, 2023 11:22

Хабарҳои дигари ин бахш

Имрӯз аз таъсиси Хадамоти иҷрои назди Ҳукумати Ҷумҳурии Тоҷикистон 7 сол сипарӣ мешавад
Пагоҳ дар тамоми муассисаҳои тиббии Тоҷикистон ташхиси ройгон гузаронида мешавад
Дар Филиппин Саммити 7-уми глобалии вазирон оид ба бехатарии беморон баргузор гардид
Дар Душанбе даври омӯзишӣ аз рӯи ихтисоси кафшергарӣ оғоз шуд
Муовини Сарвазири Тоҷикистон бо муовини Сарвазири Узбекистон мулоқот намуд
Меҳмонони Форуми байналмилалии занон Маҷмааи таърихию фарҳангии «Қалъаи Хуҷанд»-ро тамошо намуданд
Дар моҳи апрел ҳаво дар Тоҷикистон чӣ гуна мешавад?
«НАВРӮЗ — ИДИ ЗАНОНИ ВАҲДАТСАРО». Ин форум занони тоҷик, узбек ва қирғизро дар фазои дӯстӣ ба ҳам овардааст
«НАВРӮЗ — ИДИ ЗАНОНИ ВАҲДАТСАРО». Дар шаҳри Хуҷанд Форуми байналмилалии занон баргузор мегардад
Дар шаҳри Турсунзода Маркази саломатии деҳавии «Саркор» ба истифода дода шуд
Эмомалӣ Раҳмон: «Яке аз бузургтарин ҳикмати моҳи шарифи Рамазон ва иди саиди Фитр расидан ба қадри неъматҳо мебошад»
ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад