Охири тобистон қитъаи роҳи мошингарди «Гулистон – Кӯлоб» ба истифода дода мешавад

Июнь 16, 2023 09:38

ДУШАНБЕ, 16.06.2023 /АМИТ «Ховар»/. Қитъаи «Гулистон – Меҳробод»-и роҳи мошингарди «Гулистон – Кӯлоб», ки 3,2 километрро ташкил медиҳад, то охири моҳи август ба истифода дода мешавад. Дар ин хусус зимни боздиди Вазири нақлиёти Ҷумҳурии Тоҷикистон Азим Иброҳим аз ҷараёни корҳои сохтмонию навсозии ин қитъаи роҳ иттилоъ дода шуд.

Тавре АМИТ «Ховар» бо истинод ба Вазорати нақлиёти ҷумҳурӣ иттилоъ медиҳад, мутахассисони муассисаҳои зертобеи вазорат айни замон қитъаи «Гулистон – Меҳробод»-ро аз муоинаи техникӣ гузаронида, ҷиҳати таъмиру барқарорсозии он харҷномаи иҷрои корҳоро омода намуданд.

Ҳоло иҷрои корҳо дар кандани асфалти кӯҳна дар ҳаҷми 3040 м3, кашонидани он ба миқдори 6080 тонна ба масофаи 1 км, тахту ҳамвор кардани қисмати замини роҳ ба масоҳати 15200 м2, мустаҳкам намудани таҳкурсии роҳ ба масоҳати 11200 м2 ва кашонидани шағали табиӣ дар ҳаҷми 300 м3 ба роҳ монда шудааст.

Аз ҷониби муассисаҳои зертобеи вазорат дар ин роҳ иҷрои корҳои сохтмонию навсозӣ босуръат идома дошта, ҳаракати нақлиёт дар ин масир таъмин аст.

Ба муассисаҳои машғули кор супориш дода шуд, ки дар муддати 10 рӯз омодасозии таҳкурсии қитъаи роҳро ба анҷом расонанд.

Тавре дар Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси намояндагони Маҷлиси Олии Ҷумҳурии Тоҷикистон иброз гардид: «соли 2023 дар вилояти Хатлон сохтмону таҷдили роҳҳои мошингарди «Гулистон – Кӯлоб» 32,5 километр, «Данғара – Гулистон» 49,2 километр, «Гулистон – Фархор» 40 километр, «Бохтар – Левакант – Данғара» 40 километр, инчунин 4 қитъаи роҳ дар вилояти Суғд 52 километр ва сохтмони пулҳо дар болои дарёҳои Ғунд, Шорфдарё ва долонҳо дар минтақаи Барсем 4,6 километр дар Вилояти Мухтори Кӯҳистони Бадахшон оғоз мегарданд. Рушди соҳаи нақлиёти мамлакат, аз ҷумла беҳтар намудани ҳолати роҳҳои мошингард ва табдил додани Тоҷикистон ба давлати транзитӣ яке аз чор ҳадафи стратегии Ҳукумати Ҷумҳурии Тоҷикистон ба шумор рафта, он дар Стратегияи рушди Ҷумҳурии Тоҷикистон барои давраи то соли 2030 дарҷ гардидааст».

АКС: Вазорати нақлиёти Ҷумҳурии Тоҷикистон

Июнь 16, 2023 09:38

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст