Роҳбарият ва кормандони Мақомоти иҷроияи ҳокимияти давлатии вилояти Хатлон ба тамошои «Зол ва Рудоба» рафтанд
ДУШАНБЕ, 17.06.2023. /АМИТ «Ховар»/. Кормандони Мақомоти иҷроияи ҳокимияти давлатии вилояти Хатлон бо ҳамроҳии Раиси вилоят Давлаталӣ Саид ба Театри вилоятии мусиқӣ мазҳакавии ба номи Ато Муҳаммадҷонови шаҳри Бохтар рафта, намоишномаи «Зол ва Рудоба»-ро тамошо намуданд.
Тавре АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад, баъд аз анҷоми намоишномаи мазкур ба ҳунармандони Театри вилоятии мусиқӣ мазҳакавии ба номи Ато Муҳаммадҷонови шаҳри Бохтар дастагул аз номи мақомоти иҷроияи ҳокимияти давлатӣ тақдим карда шуд.
Ба ҳунармандон барои пешкаши намоишномаи ҷолибу таъсирбахш изҳори сипос карда шуда, иброз гардид, ки давоми чанд соли охир онҳо собит намуда истодаанд, ки бо ҳунари воло рўи саҳна овардани асарҳои таконбахшу андешасоз дар ҷалби таваҷҷуҳи ҷомеа ба театр ва рушди он саҳмаи арзанда мегузоранд.
«Таассуроти ман аз тамошои ин намоишнома хеле хубу хотирмон аст. Ин саҳна маро ба ёди намоишномаи «Эдип» ва нақшофарии ҳунарманди беҳамтои тоҷик Ҳошим Гадо бурд, ки соли 80-уми асри гузашта онро тамошо карда будам. Нуқтаи муҳим аз мушоҳидаи имрӯза пур аз тамошобин будани толор аст, ки ин аз таваҷҷуҳи зиёди мардум ба театр дарак медиҳад. Инсон аз хурдӣ то даврони пирӣ ба гирифтани ғизои маънавӣ ниёз дорад», — гуфт Раиси вилоят.
Мавриди тазаккур аст, ки асари «Зол ва Рудоба» аз рўи достонҳои машҳури «Шоҳнома» ба саҳна гузошта шуда, дар он таззодҳои гуногуну ҳикматҳои пандомези ҳаётӣ, талошу мубборизаҳои қаҳрамонҳои таърихӣ ба хотири ҳифзи ҳуввият ва сарзамини аҷдодӣ, намои ҷасорату таҳматании ва муборизаҳои ҷонфидоёнаи навкарону сарлашкарони давлатҳои бостонӣ дар ҳар давру замон инъикос гардидааст.
Давоми садсолаи охир ҳунармандони театру синамогарони тоҷик аз рӯи даҳҳо достонҳои безаволи «Шоҳнома» филмҳои ҷолибу намоишномаҳои мондагори театриро таҳия ва пешкаши тамошобинон гардонидаанд.
АКС аз Мақомоти иҷроияи ҳокимияти давлатии вилояти Хатлон
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
