Сарчашмаи бунёдкорию созандагӣ ва пешрафту шукуфоӣ аз сулҳу ваҳдат аст
ДУШАНБЕ, 26.06.2023 /АМИТ «Ховар»/. Дар ҷамъомади тантанавӣ, ки ба ифтихори Рӯзи Ваҳдати миллӣ дар маркази шаҳри Ҳисор доир шуд, нақши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар эҳёи давлати тоҷикон, таъмину таҳкими соҳибихтиёрии мамлакат ва барқарорсозиву пойдории Ваҳдати миллӣ муҳим арзёбӣ гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Дар ҷамъомад тазаккур дода шуд, ки сулҳу ваҳдат волотарин арзиши маънавии умумибашарӣ маънидод гардида, ҷавҳари онро ақлу хиради халқу миллатҳо ташкил медиҳад.
Гуфта шуд, ки бо шарофати соҳибистиқлолӣ, баракати сулҳу оромӣ ва ваҳдати миллӣ дар мамлакат дар марҳилаи кӯтоҳи таърихӣ рушди босубот таъмин гардида, сатҳу сифати зиндагии мардум дар доираи татбиқи чор ҳадафи стратегии Ҳукумати Ҷумҳурии Тоҷикистон — таъмини амнияти энергетикӣ, раҳоӣ аз бунбасти коммуникатсионӣ, таъмини амнияти озуқаворӣ ва саноатикунонии босуръати мамлакат зина ба зина беҳтар мегардад ва бо саъюу талоши ватандӯстонаи халқамон таҳти роҳбарии Пешвои муаззами миллат бо қадамҳои устувор ба пеш меравем.
Сокинони шаҳри Ҳисор чун дигар мардумони ҷумҳурӣ бо шукргузори аз соҳибистиқлолию сулҳу ваҳдат дар рушди соҳаҳои хоҷагии халқи мамлакат саҳм мегиранд ва барои амалӣ гардидани нақшаи чорабиниҳо бахшида ба 35-солагии Истиқлоли давлатӣ саъю талош менамоянд. Дар арафаи таҷлили ҷашни Ваҳдати миллӣ дар ҷамоатҳои шаҳраки Ҳисор ва Шарора, деҳоти Ориён, Деҳқонобод, Сомон, Алмосӣ, Хонақоҳи Кӯҳӣ Мирзо Ризо, ба номи Мирзо Турсунзода ва Навобод ифтитоҳи иншооти иҷтимоӣ пешбинӣ шудааст, таъмиру тармими роҳҳо ва дигар корҳои ободонию созандагӣ бо маром ҷараён дорад, ки бозгӯи гуфтаҳост.
Дар фазои тантанавӣ ба як қатор фаъолон Сипосномаи Раиси шаҳри Ҳисор тақдим карда шуд.
АКС: Мақомоти иҷроияи ҳокимияти давлатии шаҳри Ҳисор
Сокинони аз офати табиӣ зарардидаи деҳоти Зонги ноҳияи Ишкошим рӯзҳои наздик соҳиби хонаҳои замонавӣ мегарданд
Сарвазири Тоҷикистон дар шаҳру ноҳияҳои вилояти Хатлон бо ҷараёни иншооти бунёдшаванда шинос гардид
ҲУНАР МЕОМӮЗЕМ! Дар «Маркази рушди малакаҳои касбӣ дар шаҳри Роғун» ба занони таълимгиранда нигоҳубини ройгони кӯдакон ва стипендия пешбинӣ шудааст
Дар Душанбе бахшида ба Рӯзи забони давлатӣ конференсияи илмӣ-ҷумҳуриявӣ баргузор гардид
«БЕҲТАРИН ДОНАНДАИ КОНСТИТУТСИЯИ ҶУМҲУРИИ ТОҶИКИСТОН». Байни донишҷӯёни муассисаҳои таҳсилоти олии касбӣ озмун доир мешавад
Рушди робитаҳои дуҷониба байни Тоҷикистон ва Арабистони Саудӣ баррасӣ гардид
Астрономҳои тоҷик ба сайёраи Замин наздик шудани кометаи C/2023 A3-ро мушоҳида мекунанд
МАСЛИҲАТИ МУТАХАССИС. Истеъмоли себ ба одамони камхун фоида дорад
СОЛИ МАЪРИФАТИ ҲУҚУҚӢ. Ҳар шаҳрванд вазифадор аст забони давлатиро донад
АГЕНТИИ ОБУҲАВОШИНОСӢ: Дар даҳаи дуюми моҳи октябр ҳарорати ҳаво паст мешавад
ИМРӮЗ — РӮЗИ УМУМИҶАҲОНИИ ДИЛ. Кори мураттаби дил ба тамоми узвҳои бадани инсон вобастагии зич дорад
