Сармоягузорону тоҷирони Ҷумҳурии Корея хостори густариш додани робитаҳои иқтисодӣ бо соҳибкорони вилояти Суғд шуданд
ДУШАНБЕ, 27.06.2023. /АМИТ «Ховар»/. Сармоягузорону тоҷирони Ҷумҳурии Корея бо соҳибкорони вилояти Суғд робитаҳои иқтисодиро густариш медиҳанд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Иттилоъ дода шуд, ки Раиси вилояти Суғд Раҷаббой Аҳмадзода бо сармоягузорону тоҷирони Ҷумҳурии Корея, ки бо мақсади иштирок дар Намоишгоҳи байналмилалии савдо «Суғд-2023» ба вилоят омаданд, мулоқот намуд.
Зимни суҳбат ҷонибҳо ҳамкорӣ дар бахшҳои кишоварзӣ ва саноат, аз ҷумла кишту парвариши ҷуворимакка ва коркарди онро баррасӣ намуда, хостори густариши робитаҳои иқтисодӣ шуданд.
Ёдовар мешавем, ки 23-24 июн дар Муассисаи давлатии «Қасри маданияти Арбоб»-и шаҳри Хуҷанд Ярмаркаи IX байналмилалии «Суғд-2023» таҳти унвони «Имкониятҳои тиҷоратию сармоягузорӣ ва дурнамои рушди ҳамкорӣ» баргузор гардид.
Дар намоишгоҳ меҳмонон аз Русия, Беларус, Узбекистон, Қирғизистон, Қазоқистон, Озарбойҷон, Чин, Туркия, Арабистони Саудӣ, Покистон, Кореяи Ҷанубӣ, Фаронса, намояндагони ташкилотҳои байналмилалии молиявӣ ва шарикони рушд иштирок намуданд.
Дар намоишгоҳ даҳҳо корхонаҳои саноатӣ ва хоҷагиҳои кишоварзӣ маҳсулоти ватаниро ба маърази тамошо гузоштанд.
АКС: Хадамоти матбуоти Раиси вилояти Суғд
Сарвари давлат: «Ҳоло ҳосилнокии боғҳои ноҳияи Ашт нисбат ба соли 1991-ум 7,5 баробар зиёд шудааст»
Истиқлоли давлатӣ ва роҳнамоиҳои Пешвои миллат ба истифодаи самараноки замин мусоидат намуданд
Президенти Тоҷикистон: «Сатҳи камбизоатӣ аз 83 фоизи соли 1999 то ба 21,2 фоиз дар соли 2023 коҳиш дода шуд»
КИШОВАРЗӢ ДАР СОЛҲОИ СОҲИБИСТИҚЛОЛӢ. Ин соҳа ба таври назаррас рушд меёбад
Президенти Агентии Корея оид ба ҳамкории байналмилалӣ бо фаъолияти зеристогоҳи барқии 110/20/10 кВ-и «Ромит» шинос шуд
ИМРӮЗ-РӮЗИ РОҲСОЗОН. Дар самти ба давлати воҳид табдил додани Тоҷикистон саҳми роҳсозони тоҷик назаррас аст
Маркази миллии патенту иттилооти Тоҷикистон ҳамкориро дар соҳаи моликияти зеҳнӣ бо Беларус тақвият мебахшад
Дар Вазорати энергетика ва захираҳои оби Тоҷикистон ҷашни 33-солагии Истиқлоли давлатиро бошукуҳ таҷлил намуданд
ДАСТОВАРДҲОИ ИҚТИСОДИИ ЗАМОНИ ИСТИҚЛОЛ. Маҷмуи маҳсулоти дохилӣ аз 1,8 то 130,8 миллиард сомонӣ зиёд гардид
Ҳайати Бонки миллӣ дар ҷаласаи 14-уми ташаббуси сиёсати Аврупои Шарқӣ ва Осиёи Марказӣ (ECAPI) иштирок намуд
Дар Тоҷикистон Форуми байналмилалӣ доир ба амнияти озуқаворӣ баргузор мегардад
Ҳайати Тоҷикистон дар Форуми байналмилалӣ доир ба амнияти озуқаворӣ дар Тошканд иштирок менамояд
