«ТОҶИКИСТОН ЯГОНА-БАДАХШОН НИГИНИ ОН». Таҳти ин унвон дар шаҳру ноҳияҳои ин вилоят чорабиниҳои гуногун доир карда мешаванд
ДУШАНБЕ, 16.06.2023. /АМИТ «Ховар»/. Аз 16 то 23 июни соли равон дар шаҳру ноҳияҳои Вилояти Мухтори Кўҳистони Бадахшон чорабиниҳои илмиву маърифатӣ, фарҳангиву зеҳнӣ, тандурустиву варзишӣ ва суҳбату вохўриҳо бо сокинон таҳти унвони «Тоҷикистон ягона-Бадахшон нигини он» доир мегарданд, хабар медиҳад АМИТ «Ховар».
Дар доираи ин чорабинӣ, ки бо дастури Президенти мамлакат муҳтарам Эмомалӣ Раҳмон роҳандозӣ гардидааст, субҳи дирӯз, 15 июн «Корвони саломатӣ» дар ҳайати 40 нафар мутахассисони варзида, табибони дараҷаи олии ҷарроҳии асаб, бемориҳои бачагона ва асабшиносон таҳти роҳбарии муовини Вазири тандурустӣ ва ҳифзи иҷтимоӣ аҳолии Ҷумҳурии Тоҷикистон Шодихон Ҷамшед ба шаҳри Хоруғ расида, ба фаъолият шуруъ намуд.
«Корвони саломатӣ» бо мақсади муоинаи саривақтӣ, пешниҳоди машварату тавсия ва табобати сокинони Вилояти Мухтори Кӯҳистони Бадахшон ба таври ройгон дар шаҳру ноҳияҳои вилоят гузаронда мешаванд.
Ҳамчунин бояд тазаккур дод, ки 14 июн дар ноҳияи Дарвози Вилояти Мухтори Кӯҳистони Бадахшон дар доираи чорабинии ҷумҳуриявии «Бадахшон — нигини Тоҷикистон» ва бахшида ба эълон гардидани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дарсҳои намунавӣ дар мавзуи «Татбиқи муносибати босалоҳият дар таълими фанҳои химия, биология, математика, физика ва технологияи иттилоотӣ» барои омӯзгорони фанҳои табиӣ-риёзӣ ва кормандони шуъбаи маорифи ноҳия баргузор шуд.
Дар ин дарсҳои намунавӣ ба омӯзгорони фанҳои дақиқ ёрии методӣ расонида шуда, сатҳи касбияти онҳо баланд бардошта мешавад.
13-23 июн дар шаҳру ноҳияҳои вилоят баргузории «Корвони китоб», 15-23 намоиши филмҳои ҳунарӣ ва мустанади ватанӣ, 17 июн барномаи консертӣ бо иштироки устодони санъат, ҳунарпешагон ва шоирону адибони шинохта дар ноҳия Дарвоз, чунин консерт дар шаҳри Хоруғ ва дигар чорабиниҳои фарҳангию фароғатӣ, варзишию тандурустӣ дар назар дошта шудааст.
АКС: АМИТ «Ховар»
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
