35-СОЛАГИИ ИСТИҚЛОЛИ ДАВЛАТӢ. Бахшида ба ин ҷашн дар Хоруғ навсозии варзишгоҳи марказӣ оғоз шуд
ДУШАНБЕ, 04.07.2023. /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон бо дастгирии Ҳукумати Ҷумҳурии Тоҷикистон ва тибқи Барномаи «Лоиҳаи устуворгардонии шаҳри Хоруғ» варзишгоҳи марказии шаҳр навсозӣ мегардад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Дар ин иншооти варзишӣ баъди навсозӣ, дар баробари муҳайё сохтани шароит барои бозии футбол, инчунин майдони баскетбол, волейбол, корти теннис ва пайроҳа барои дав низ бо тарҳи муосир омода мегардад.
Барои татбиқи лоиҳаи нави варзишгоҳи марказӣ пудратчиёни лоиҳа вазифадор шудаанд, ки корҳои сохтмониро саривақт ва бо сифати баланд ба анҷом расонида, барои иваз намудани курсиҳои варзишгоҳ низ тадбирҳои бетаъхир андешанд.
Хотиррасон бояд шуд, ки дар доираи навсозии вазишгоҳи марказӣ, ҳамзамон 2,8 км кӯчаи марказии шаҳри Хоруғ чароғон карда мешавад.
Ёдовар мешавем, ки бо ташаббуси Мақомоти иҷроияи ҳокимияти давлатии шаҳри Хоруғ бо мақсади дар сатҳи баланд истиқбол гирифтани ҷашни 35-солагии Истиқлоли давлатӣ дар асоси дархости сокинони шаҳри Хоруғ бунёду навсозии иншооти таъиноти гуногун, аз қабили майдончаҳои варзишӣ, чороғонкунии кӯчаву пасткӯчаҳо, таъмири роҳҳои пиёдагард дар баъзе маҳаллаҳо ба нақша гирифта шуда, корҳои бунёдӣ дар ин самт оғоз гардидаанд.
Ин тадбир аз як ҷониб ба ободонии маркази Вилояти Мухтори Кӯҳистони Бадахшон ва аз ҷониби дигар ба таъмини истироҳати бофароғати сокинону меҳмонони шаҳр мусоидат хоҳад намуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Хабарҳои дигари ин бахш
Дар ноҳияи Ёвон бинои нави Суди ноҳия ба истифода дода шуд
Президенти Ҷумҳурии Тоҷикистон Эмомалӣ Раҳмон бо рафти корҳои сохтмонӣ дар бинои Театри миллӣ шинос шуданд
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Президенти Ҷумҳурии Тоҷикистон Эмомалӣ Раҳмон доир ба рафти омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон машварати корӣ доир намуданд
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
СОЛИ ОБОДОНИЮ СОЗАНДАГӢ. Сокинони деҳаи ба номи Ортиқ Ҷумаеви шаҳри Турсунзода бо оби нӯшокӣ таъмин шуданд
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
Дастаи мунтахаби олимпии Тоҷикистон оид ба футбол ғолиби мусобиқаи байналмилалӣ дар Ҳиндустон гардид
Абубакр аз Тоҷикистон ва Ҷасур аз Узбекистон соҳиби шоҳҷоизаҳои мусобиқаи гӯштини миллӣ дар Кӯлоб шуданд
Дар доираи сафари кории Президенти Тоҷикистон дар Исфара иншооти соҳаи тандурустӣ ба истифода дода шуд
Дастаи мунтахаби Тоҷикистон оид ба футбол ба марҳилаи ниҳоии Ҷоми Осиё-2027 роҳ ёфт
