БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Истаравшан мактаб ва қасри фарҳанг бунёд карда мешавад
ДУШАНБЕ, 31.08.2023. /АМИТ «Ховар»/. Ба истиқболи 35- солагии Истиқлолияти давлатии Ҷумҳурии Тоҷикистон дар шаҳри Истаравшан сохтмони иншооти гуногун идома дошта, саҳми соҳибкорон низ дар бунёди иншооти иҷтимоӣ назаррас аст. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Соҳибкори шаҳр Хуршед Ҳамдамов тасмим гирифтааст, ки дар партави дастуру ҳидоятҳои Пешвои миллат муҳтарам Эмомалӣ Раҳмон дар деҳаи Боғи калони шаҳри Истаравшан бинои нави таълимӣ сохта, барои ҳамдиёрони худ шароити мусоид фароҳам орад. Бинои мактаб дуошёна буда, барои 1200 хонанда пешбинӣ мешавад.
Дар шаҳри мазкур бо иштироки роҳбарияти вилояти Суғд дар маҳаллаи Шонатарошони Ҷамоати деҳоти Гули сурх пули мошингузар мавриди истифода қарор дода шуд. Пули мазкур дар болои сойи «Зарринрӯд» бо дастгирии Мақомоти иҷроияи ҳокимияти давлатии шаҳри Истаравшан ва соҳибкорони саховатпеша сохта шуда, паҳноии он 8 метрро ташкил медиҳад.
Дар идомаи сафар роҳбари вилоят бо ҷараёни сохтмони Боғи фарҳангию фароғатии ба номи Исмоили Сомонӣ шинос шуд. Лоиҳаи боғ бо фармоиши Мақомоти иҷроияи ҳокимияти давлатии шаҳри Истаравшан аз ҷониби ҶДММ «Кохи сафед»-и шаҳри Душанбе таҳия гардида, дар масоҳати қариб 3 гектар бунёд мешавад.
Дар айни замон корҳои сохтмонӣ идома дошта, тибқи лоиҳа, дар маркази боғ муҷассамаи асосгузори давлати тоҷикон- Шоҳ Исмоили Сомонӣ бунёд мегардад.
Дар шаҳри Истаравшан ҳамзамон бо маблағгузории Мақомоти иҷроияи ҳакимияти давлатии вилояти Суғд дар хиёбони Исмоили Сомонӣ сохтмони қасри фарҳанги шаҳр барои 1000 ҷойи нишаст идома дорад.
АКС: Хадамоти матбуоти Раиси вилояти Суғд
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Бахшида ба Рӯзи Президент дар деҳаи Андарбаки ноҳияи Ванҷ толори муосири варзишӣ ба истифода дода шуд
Сарвазири мамлакат Қоҳир Расулзода бо раванди корҳои созандагӣ ва ҷамъоварии ҳосили пахта дар вилояти Хатлон шинос шуд
Пешвои миллат Эмомалӣ Раҳмон ба таври фосилавӣ биноҳои истиқоматӣ барои кормандони мақомоти корҳои дохилӣ дар шаҳрҳои Душанбе ва Хуҷандро ифтитоҳ намуданд
Сарвари давлат Эмомалӣ Раҳмон Маркази инноватсионии Вазорати корҳои дохилии Ҷумҳурии Тоҷикистонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе бинои нави шуъбаи Вазорати корҳои дохилӣ 1 дар ноҳияи Синоро ба истифода доданд
Дар ноҳияи Рашт кӯпруки мошингард ба истифода дода шуд
Дар вилояти Хатлон беш аз 1400 муассисаи таълимӣ фаъолият дорад
Бахшида ба 31-солагии Конститутсия дар Ёвон бинои иловагии Муассисаи таҳсилоти миёнаи умумии №5 ба истифода дода шуд
35-СОЛАГИИ ИСТИҚЛОЛИ ДАВЛАТӢ. Беш аз 1 километр роҳи мошингарди ноҳияи Ёвон таъмиру навсозӣ гардид
