«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Дар шаҳри Бохтар бахши якуми озмуни ҷумҳуриявӣ доир гардид

ДУШАНБЕ, 25.07.2023. /АМИТ «Ховар»/. 24 июл дар шаҳри Бохтари вилояти Хатлон  Озмуни ҷумҳуриявии «Беҳтарин хизматчии давлатӣ аз ҳисоби занон» барои дарёфти беҳтарин занон- хизматчиёни давлатии ниҳодҳои идоракунии вилояти Хатлон оғоз гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.

Дар расми ифтитоҳи озмун таъкид гардид, ки ҳадафи баргузории он- ин дар амал татбиқ намудани «Барномаи  давлатии тарбия ва ҷобаҷогузории кадрҳои роҳбарикунанда аз ҳисоби занону духтарони лаёқатманд барои солҳои 2023-2030» ва захира намудани кадрҳои баландихтисос аз ҳисоби занҳо мебошад.

Дар озмуни мазкур 60 нафар довталаб  аз шаҳру ноҳияҳои вилояти Хатлон иштирок менамоянд.

Озмун 3 рӯз идома меёбад. Ғолибон бо туҳфаҳои Мақомоти иҷроияи ҳокимияти давлатии вилояти Хатлон ва Кумитаи кор бо занон ва оилаи назди Ҳукумати Ҷумҳурии Тоҷикистон қадрдонӣ мегарданд.

АКС: Мақомоти иҷроияи ҳокимияти давлатии вилояти Хатлон