«CAFA FUTSAL CUP-2023». Тоҷикистон дар даври дуюми мусобиқа бар дастаи мунтахаби Туркманистон ғолиб омад

ДУШАНБЕ, 25.07.2023 /АМИТ «Ховар»/. Шоми  24 июл  дар Қасри теннис ва маҷмааи варзиши обӣ дар шаҳри Душанбе бозиҳои даври дуюми мусобиқаи «CAFA Futsal Cup-2023»  дар сатҳи баланд  баргузор  шуданд. Дар ин хусус шореҳи варзиши АМИТ «Ховар» хабар медиҳад.

Дар даври дуюми мусобиқаи «CAFA Futsal Cup-2023» дастаи мунтахаби футзали Тоҷикистон бо дастаи мунтахаби Туркманистон рақобат намуда, бо ҳисоби 4:2 бар дастаи мунтахаби Туркманистон  ғолиб омад. Ҳамчунин  дирӯз  дар чаҳорчӯби   даври дуюми бозиҳои мусобиқаи «CAFA Futsal Cup-2023» боз ду рақобати  дигар доир шуд.

«CAFA Futsal Cup-2023»

Даври 2

Тоҷикистон  – Туркманистон – 4:2

Голҳо: Некрӯз Алимаҳмадов, 3 (1:0). Шири Байрамдурдиев, 6 (1:1). Файзали Сардоров, 6 (2:1). Муҳаммадҷон  Шарипов, 11 (3:1). Дилшод Саломов, 14 (4:1). Некрӯз Идиев, 36 –   (4:2).

 Бозингари  беҳтарини  бозӣ: Некрӯз Алимаҳмадов (Тоҷикистон)

24 июл. Қасри теннис ва маҷмааи варзиши обӣ дар шаҳри Душанбе. 1120  тамошобин

                                                            АКС: Федератсияи футболи Тоҷикистон