Дар Ҷамоати ба номи Ҷӯра Раҳмонови шаҳри Турсунзода корҳои таъмиру навсозии роҳҳои байнидеҳавӣ вусъат меёбанд
ДУШАНБЕ, 12.07.2023. /АМИТ «Ховар»/. Сокинони Ҷамоати деҳоти ба номи Ҷӯра Раҳмонови шаҳри Турсунзода бо иттиҳоду ҳамбастагӣ ба ободии маҳали зисти худ камар баста, тайи 10 рӯз охир ба корҳои таъмиру навсозии роҳҳои байнидеҳавӣ машғул мебошанд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Турсунзода хабар медиҳад.
Ба иттилои манбаъ, то имрӯз дар деҳаҳои Намоз Кучаров, Обида Нуъмонова, Бобониёз Тошев ва Тойчӣ зиёда аз 2 км роҳ асфалтӯш карда шуда, 5 км дигар аз таъмири ҷорӣ бароварда шуданд.
Таъмиру навсозии роҳҳои байнидеҳавӣ бо дастгирии мақомоти иҷроияи ҳокимияти давлатии шаҳр, соҳибкорони маҳаллӣ ва сарҷамъии сокинони деҳот амалӣ мегардад.
Дар иҷрои ин ҳадафи муҳими сокинони маҳал Маркази назорати давлатии роҳҳои автомобилгарди шаҳри мазкур низ бо таъмини техникаҳо ва мутахассисон ҷиҳати босифат ба анҷом расонидани корҳои таъмиру навсозии роҳҳо кӯмак менамоянд.
Ёдовар мешавем, ки 1,5 километр роҳи байнидеҳавӣ дар деҳаи Чиртаки Ҷамоати деҳоти Навободи шаҳри Турсунзода мумфарш карда мешавад. Иқдоми мазкур дар доираи нақшаи корҳои ободониву бунёдкорӣ ба истиқболи 35-солагии Истиқлоли давлатии Ҷумҳурии Тоҷикистон бо дастгирии Мақомоти иҷроияи ҳокимияти давлатии шаҳри Турсунзода ва саҳми соҳибкорону дастҷамъии сокинони деҳаи Чиртак амалӣ карда мешавад.
Тавре қаблан хабар додем, ибтидои моҳи июн дар деҳаи Нақшбандони Ҷамоати деҳоти «10-солагии Истиқлолият»-и шаҳри Турсунзода ба мумфаршкунии 1 км роҳи байнидеҳавӣ оғоз намуданд. Дар дигар деҳот низ ин корҳо идома дошта, тибқи нақша, то таҷлили Ҷашни 35-солагии Истиқлоли давлатии Ҷумҳурии Тоҷикистон роҳҳои байнидеҳавии ҳудуди деҳоти шаҳр пурра таъмиру навсозӣ карда мешаванд.
Дар идомаи ҳамин созандагию бунёдкориҳо, дар Ҷамоати деҳоти «Сешанбе» бо иқдоми Мақомоти иҷроияи ҳокимияти давлатии шаҳри Турсунзода, роҳбарияти ҷамоати деҳот, сокинони саховатпеша ва соҳибкорони бонангу номуси маҳаллӣ ҷиҳати сазовор истиқбол гирифтани ин ҷашни фархундаи миллӣ боз ба навсозии 1 км роҳи байни деҳа оғоз карда шуд.
Соли 2023 дар ҳудуди ҷамоату деҳоти шаҳри Турсунзода бо иқдоми мақомоти иҷроияи ҳокимияти давлатии шаҳр, сокинони ватандӯсту соҳибкорони саховатпеша корҳои тармиму навсозии роҳҳои маҳаллӣ вусъат меёбад.
АКС: Мақомоти иҷроияи ҳокимияти давлатии шаҳри Турсунзода
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
Дар Истаравшан 28 иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода сохтмони иншооти ҷашнӣ идома дорад
