Дар ноҳияи Рӯдакӣ Маркази саломатӣ ва майдончаи варзишӣ ба истифода дода шуд
РӮДАКӢ, 10.07.2023 /АМИТ «Ховар»/. Ҷиҳати сазовор пешвоз гирифтани Ҷашни 35-солагии Истиқлоли давлатии Ҷумҳурии Тоҷикистон дар Ҷамоати деҳоти Чоргултеппаи ноҳияи Рӯдакӣ майдончаи варзишӣ ва Маркази саломатӣ мавриди баҳрабардорӣ қарор дода шуд. Дар ин хусус ба хабарнигори минтақавии АМИТ «Ховар» дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Маркази саломатии Чоргултеппа аз ҷониби лоиҳаи «Инкишофи барвақтии кӯдакон барои густариши сармояи инсонӣ дар Тоҷикистон» бо маблағи зиёда аз 400 ҳазор сомонӣ навсозӣ гардида, бо мизу курсӣ ва дигар таҷҳизоти замонавӣ таъмин мешавад. Маркази саломатии мазкур дорои 20 ҳуҷраи табобатӣ буда, дар он 5 нафар табибони соҳибтаҷриба ба аҳолии ин ҷамоат хизмати аввалияи тиббӣ мерасонанд.
Ҳамчунин майдончаи варзишӣ аз ҷониби соҳибкори ватанӣ Валиҷон Одинаев бо харҷи зиёда аз 200 ҳазор сомонӣ сохта шуда, ба истифода дода шуд.
Айни замон дар ноҳияи Рӯдакӣ сохтмони 6 адад бунгоҳҳои тиббии деҳот идома дорад. Инчунин бо дастгирии лоиҳаи «Инкишофи барвақтии кӯдакон барои густариши сармояи инсонӣ дар Тоҷикистон»-и назди Вазорати молияи Ҷумҳурии Тоҷикистон дар ноҳияи Рӯдакӣ 10 Маркази саломатии деҳот бо таъмири пурра фаро гирифта мешавад.
Тибқи нақша, соли 2023 корҳои сохтмонии 2 адад марказҳои саломатӣ ба анҷом расида, пас аз таъмири пурра бо таҷҳизоти тиббӣ таъмин карда мешаванд.
АКС: аз Мақомоти иҷроияи ҳокимияти давлатии ноҳияи Рӯдакӣ
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад
Дар Хуҷанд лоиҳаҳои иншооти дар соҳили Сирдарё бунёдшаванда муаррифӣ гардиданд
Ҷамъияти дорои масъулияти маҳдуди «Баҳор» дар Душанбе ду тарабхонаи дигар месозад
Дар шаҳри Истаравшан бинои таълимии ба номи Садриддин Айнӣ навсозӣ мегардад
ОМОДАГӢ БА СОЛИ НАВИ ХОНИШ. Имсол дар Тоҷикистон 138 муассисаи таҳсилоти умумӣ ва бинои иловагӣ ба истифода дода мешавад
Пешвои миллат Эмомалӣ Раҳмон дар ноҳияи Сино бинои тарабхонаи «Баҳор — Форел»-ро мавриди истифода қарор доданд
Президенти мамлакат Эмомалӣ Раҳмон дар ноҳияи Сино ҶДММ «Ҷавоҳироти заргарии Зарафшон»-ро ба истифода доданд
Сарвари давлат Эмомалӣ Раҳмон марҳилаи дуюми Корхонаи истеҳсоли халтаҳои полипропиленӣ, платаҳои чопӣ ва фурӯзонакҳои диодии ҶДММ «Ғаюр Гуруҳ»-ро ифтитоҳ намуданд
Пешвои миллат Эмомалӣ Раҳмон дар ноҳияи Исмоили Сомонӣ корхонаи истеҳсоли маҳсулоти нонию қаннодии ҶДММ «Нонпаз»-ро ба истифода доданд
Дар шаҳраки Бӯстони ноҳияи Мастчоҳ Маркази дандонпизишкӣ ба истифода дода шуд
Гурӯҳи корӣ бо рафти корҳои сохтмонӣ дар иншооти ҷашнии ноҳияи Мурғоб шинос гардид
35-СОЛАГИИ ИСТИҚЛОЛИЯТИ ДАВЛАТӢ. Дар Суғд 2077,0 км роҳ таъмиру навсозӣ мешавад
