Дар Шаҳринав оид ба Нақшаи амалисозии Стратегияи муқовимат ба терроризм ва экстремизм дар Тоҷикистон ҷаласа доир шуд

ДУШАНБЕ, 16.07.2023 /АМИТ «Ховар»/. 14 июл дар Мақомоти иҷроияи ҳокимияти давлатии ноҳияи Шаҳринав ҷаласаи ҷамъбастии фаъолияти шашмоҳаи гурӯҳи корӣ оид ба Нақшаи амалисозии «Стратегияи муқовимат ба терроризм ва экстремизм дар Ҷумҳурии Тоҷикистон барои солҳои 2021-2025» доир гардид, ки дар он  намояндагони Прокуратура, шуъбаи Вазорати корҳои дохилӣ ва шуъбаи Кумитаи давлатии амнияти миллӣ дар ноҳия, намояндагони сохтор ва зерсохторҳои мақомоти иҷроия, ташкилоту корхонаҳо, муассисаҳо, фаъолону раисони ҷамоатҳои шаҳраку деҳот, ҷавонон, бахши дин иштирок доштанд.

Дар ҷаласа дар бораи Нақшаи амалишавии «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 дар шашмоҳаи аввали соли 2023 ҳисоботи муфассал пешниҳод гардид.

Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» мақсад, вазифа ва самтҳои асосии сиёсати давлатии Ҷумҳурии Тоҷикистонро дар соҳаи муқовимат ба экстремизм ва терроризм муайян намуда, ба муттаҳид намудани тадбирҳои мақомоти давлатӣ, мақомоти худидоракунии шаҳрак ва деҳот, ниҳодҳои ҷомеаи шаҳрвандӣ ва созмонҳои байналмилалӣ дар ин самт равона шудааст.

АКС: Мақомоти иҷроияи ҳокимияти давлатии ноҳияи Шаҳринав