Дар Тоҷикистон то охири сол истифодабарандагони алоқаи мобилӣ пурра ба системаи 5G мегузаранд
ДУШАНБЕ, 28.07.2023. /АМИТ «Ховар»/. Дар Ҷумҳурии Тоҷикистон то охири сол ба таври пурра ба системаи 5G гузаштани истифодабарандагони алоқаи мобилӣ дар назар аст. Дар ин хусус имрӯз муовини сардори Хадамоти алоқаи назди Ҳукумати Ҷумҳурии Тоҷикистон Илҳомҷон Атоев зимни нишасти матбуотӣ ба хабарнигорон иттилоъ дод.
«Иҷозатномаи 5G ба тамоми ширкатҳои алоқаи мобилӣ дода шуда, ҳоло ин система ба тарзи озмоишӣ кор карда истодааст. Воситаҳои техникии мобилӣ низ ворид шудаанд ва то охири сол истгоҳҳои базавии ин система пурра фаъол мегарданд»,-тазаккур дод Илҳомҷон Атоев.
Аз ҷониби Хадамоти алоқа баҳри иҷрои супориши Президенти Ҷумҳурии Тоҷикистон муҳтарам Эмомалӣ Раҳмон дар бораи тадбирҳои вусъат додани ҳисоббаробаркунии ғайринақдӣ ва беҳтар намудани сатҳу сифати интернет дар шаш моҳи соли равон корҳои назаррас анҷом дода шуданд.
Дар мавриди баланд бардоштани сатҳу сифати интернет дар мамлакат иброз гардид, ки то имрӯз тибқи нақша аз ҷониби ширкатҳои мобилӣ дар шаҳри Душанбе ва ноҳияҳои тобеи ҷумҳурӣ 443 истгоҳи базавӣ бо дараҷаи насли 3G ва 4G васл шуданд. Ҳамзамон дар якҷоягӣ бо Хадамоти зиддинҳисории назди Ҳукумати Ҷумҳурии Тоҷикистон ва ширкатҳои мобилӣ ба воситаи тарофабандӣ нархи интернет то 15 фоиз коҳиш ёфтааст.
Инчунин баён гардид, ки мутобиқи баҳисобгирӣ дар ҷумҳурӣ 212 адад истифодабарандаи воситаҳои радиоэлектронӣ (ВРЭ) ба ҳисоб гирифта шудааст. Аз миқдори умумии истифодабарандагони воситаҳои радиоэлектронӣ 162 адад ба шаҳри Душанбе ва шаҳру ноҳияҳои тобеи ҷумҳурӣ, 34-то ба вилояти Суғд, 11-то ба вилояти Хатлон ва 5 адад ба Вилояти Мухтори Кӯҳистони Бадахшон рост меояд.
Микдори умумии воситаҳои радиоэлектронӣ 8364 ададро ташкил медиҳад. Аз шумораи умумии воситаҳои радиоэлектронии мавҷуда ба шаҳри Душанбе дар якҷоягӣ бо ноҳияҳои тобеи ҷумҳурӣ 11074 адад, вилояти Суғд- 8132, вилояти Хатлон- 7395 ва Бадахшон 1763 адад рост меояд.
София ШОИК,
АМИТ «Ховар»
АКС: АМИТ «Ховар»
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
Дар Тоҷикистон беш аз 184 ҳазор хоҷагии деҳқонӣ фаъолият менамоянд
«ДУШАНБЕ ИНВЕСТ-2025». Дар маҷмуъ 52 санад ба маблағи беш аз 4 миллиард доллар ба имзо расид
